തിരുവനന്തപുരം: തമിഴ്നാട്ടിലെ പ്രധാനപ്പെട്ട ആഘോഷമായ തൈപ്പൊങ്കലിന്റെ ഭാഗമായി നാളെ(15-01-2025) കേരളത്തിലും അവധി. തിരുവനന്തപുരം, കൊല്ലം, പത്തനംതിട്ട, ഇടുക്കി, പാലക്കാട്, വയനാട് എന്നീ ജില്ലകളിലാണ് പ്രാദേശിക അവധിയുള്ളത്. സംസ്ഥാന സർക്കാരിന്റെ ഔദ്യോഗിക കലണ്ടർ പ്രകാരമുള്ള അവധിയാണ് ഇത്. 

അതേസമയം പൊങ്കലിന്റെ ഭാഗമായി തമിഴ്നാട്ടിൽ ജനുവരി 10 മുതൽ 16 വരെ എല്ലാ സ്കൂളുകൾക്കും അവധിയാണ്. തമിഴ്നാടിന് പുറമെ തെലങ്കാനയിലും പൊങ്കൽ പ്രമാണിച്ച് അവധി നൽകിയിട്ടുണ്ട്. ജനുവരി 17നായിരിക്കും പൊങ്കൽ കഴിഞ്ഞു ഇവിടെ സ്കൂളുകൾ തുറക്കുക.