കോട്ടയം; യുഡിഎഫുമായി ഒരു ചര്‍ച്ചയും നടന്നിട്ടില്ലെന്ന് ജോസ് കെ മാണി. എല്‍ഡിഎഫിനൊപ്പം ചേര്‍ന്ന് പ്രവര്‍ത്തിക്കുമെന്നും നിയമസഭ തെരഞ്ഞെടുപ്പില്‍ 13 സീറ്റ് ആവശ്യപ്പെടുമെന്ന് ജോസ് കെ മാണി കൂട്ടിച്ചേര്‍ത്തു.കേരള കോണ്‍ഗ്രസിനെ യുഡിഎഫ് ചവിട്ടിപ്പുറത്താക്കി, സംരക്ഷിച്ചത്  പിണറായി വിജയനാണെന്നും ജോസ് കെ മാണി വാര്‍ത്താസമ്മേളനത്തില്‍ പറഞ്ഞു. 

യുഡിഎഫ് പ്രവേശനം തുറക്കാത്ത അധ്യായമെന്നും ചവിട്ടിപ്പുറത്താക്കിയ ഇടത്തേക്ക് എങ്ങനെ പോകുമെന്നും ജോസ് കെ മാണി ചോദിച്ചു. കേരളാ കോണ്‍ഗ്രസ് ഇടതുമുന്നണിയില്‍ തന്നെ തുടരുമെന്നും എല്‍ഡിഎഫിന്റെ മധ്യമേഖലാ ജാഥയില്‍ ക്യാപ്റ്റനായി താന്‍ ഉണ്ടാകുമെന്നും അദ്ദേഹം കോട്ടയത്ത് വാര്‍ത്താ സമ്മേളനത്തില്‍ പറഞ്ഞു. പാര്‍ട്ടി ഉന്നതതലയോഗത്തിന് ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം.