റിയാദ്: യമനിലെ എല്ലാ മേഖലകളിലുമുള്ള സർക്കാർ ജീവനക്കാർക്ക് ശമ്പളം നൽകുന്നതിനായി യമൻ ബജറ്റിലേക്ക് സഊദി അറേബ്യ പുതിയ സാമ്പത്തിക സഹായം പ്രഖ്യാപിച്ചു. യമനിലെ സഊദി അംബാസഡറും സഊദി പ്രോഗ്രാം ഫോർ ഡെവലപ്‌മെന്റ് ആൻഡ് റീകൺസ്ട്രക്ഷൻ ഓഫ് യമന്റെ മേൽനോട്ടക്കാരനുമായ മുഹമ്മദ് അൽ-ജാബറാണ് ഇക്കാര്യം അറിയിച്ചത്. 190 കോടി സഊദി റിയാലിന്റെ സാമ്പത്തിക സഹായമാണ് യമന് നൽകുക. 

ALSO READ: ഊർജ മേഖലയിൽ സഹകരണം ശക്തമാക്കും; പുതിയ കരാറിൽ ഒപ്പുവച്ച് സഊദിയും മൊറോക്കോയും 

യമനിലെ പവർ പ്ലാന്റുകൾ പ്രവർത്തിപ്പിക്കുന്നതിന് ആവശ്യമായ പെട്രോളിയം ഉൽപ്പന്നങ്ങൾ ലഭ്യമാക്കുക, രാജ്യത്ത് സാമ്പത്തിക സ്ഥിരത ഉറപ്പാക്കുക, സാമ്പത്തിക പുനർനിർമാണം തുടങ്ങിയവയാണ് ഇതിലൂടെ ലക്ഷ്യമിടുന്നത്. യമന്റെ സാമ്പത്തിക ഭദ്രതയ്ക്ക് സഊദി അറേബ്യ നൽകിവരുന്ന നിരന്തരമായ പിന്തുണയുടെ ഭാഗമായാണ് ഈ പുതിയ പ്രഖ്യാപനം.

Saudi Arabia has announced new financial support for the Yemeni government budget to facilitate the payment of state employees' salaries across all sectors. Announced by Ambassador Mohammed Al-Jaber, the package includes SR1.9 billion for development initiatives and petroleum derivatives to operate power plants, aiming to achieve economic stability and alleviate daily burdens for the Yemeni people.