ന്യൂസിലാൻഡിനെതിരായ ഏകദിന പരമ്പരക്കുള്ള ഇന്ത്യൻ ടീം സെലക്ഷനെ വിമർശിച്ച് മുൻ ഇന്ത്യൻ താരം മുഹമ്മദ് കൈഫ്. ഓൾ റൗണ്ടർ നിതീഷ് കുമാർ റെഡ്ഢിയെ എന്തിനാണ് ടീമിലെടുത്തതെന്ന് തനിക്ക് മനസിലാവുന്നില്ലെന്നാണ് കൈഫ് പറഞ്ഞത്. തന്റെ യുട്യൂബ് ചാനലിലൂടെ സംസാരിക്കുകയായിരുന്നു മുൻ ഇന്ത്യൻ താരം. 

''തെരഞ്ഞെടുത്ത ടീമിനെ എനിക്ക് മനസിലാവുന്നില്ല. രാജ്‌കോട്ടിലെ പിച്ച് മന്ദഗതിയിലായിരുന്നു. മൂന്ന് സ്പിന്നർമാരെയാണ് ന്യൂസിലാൻഡ് കളിപ്പിച്ചത്. പുറത്തു നിന്നും വന്ന ടീമെന്ന നിലയിൽ അവർ സാഹചര്യങ്ങൾ മനസിലാക്കി. അവരുടെ കരുത്ത് സ്പിൻ അല്ല എന്നിട്ടും അവർ സാഹചര്യം പഠിച്ചു. നിതീഷ് റെഡ്ഢിയുടെ റോളും എനിക്ക് മനസിലാവുന്നില്ല. ദയവായി അദ്ദേഹത്തിന്റെ റോൾ എന്താണെന്ന് കോച്ചും മാനേജ്മെന്റും എന്നോട് പറയു'' കൈഫ് പറഞ്ഞു. 

പരമ്പരയിലെ അവസാന മത്സരം നാളെയാണ് നടക്കുന്നത്. നിലവിൽ പരമ്പരയിൽ ഇരുടീമുകളും ഒപ്പത്തിനൊപ്പമാണ്. ഇൻഡോറിൽ നടക്കുന്ന അവസാന മത്സരത്തിൽ വിജയിക്കുന്ന ടീമിന് പരമ്പര സ്വന്തമാക്കാൻ സാധിക്കും. വഡോദരയിൽ നടന്ന ആദ്യ മത്സരത്തിൽ ഇന്ത്യ വിജയിച്ചപ്പോൾ രാജ്‌കോട്ടിലെ രണ്ടാം മത്സരത്തിൽ കിവികൾ തിരിച്ചടിക്കുകയായിരുന്നു. 

Former Indian cricketer Mohammad Kaif has criticised the Indian team selection for the ODI series against New Zealand. Kaif said that he does not understand why all-rounder Nitish Kumar Reddy was included in the team. The former Indian cricketer was speaking on his YouTube channel.