കണ്ണൂര്‍: കണ്ണൂര്‍ പേരാവൂരില്‍ സി.പി.എം സംഘടിപ്പിച്ച സമരത്തില്‍ പങ്കെടുക്കാത്തതില്‍ തൊഴിലുറപ്പ് പണി നിഷേധിച്ചതായി പരാതി. പേരാവൂര്‍ മുരിങ്ങോടി പാറങ്ങോട് ഉന്നതിയിലെ ലക്ഷ്മിയെയാണ് ജോലിക്കെത്തിയപ്പോള്‍ തിരിച്ചയച്ചത്. വെള്ളിയാഴ്ച്ചയാണ് സംഭവം. 

ലക്ഷ്മിക്ക് അസുഖമായതിനാല്‍ രണ്ടുദിവസം ജോലിക്ക് പോയിരുന്നില്ല. വ്യാഴാഴ്ച്ചയാണ് കണ്ണൂര്‍ നഗരത്തില്‍ തൊഴിലുറപ്പ് ഭേദഗതിക്കെതിരായി സി.പി.എം സമരം നടന്നത്. ഇതിലും ലക്ഷ്മിക്ക് പങ്കെടുക്കാനായില്ല. വെള്ളിയാഴ്ച വീണ്ടും ജോലിക്കായി ചെന്നപ്പോഴാണ് സി.പി.എം സമരത്തില്‍ പങ്കെടുത്തവര്‍ മാത്രം ജോലി ചെയ്താല്‍ മതിയെന്ന് അറിയിച്ചത്.

ALSO READ: തണ്ടപ്പേര്‍ കിട്ടാത്തതിനാല്‍ ഭൂമി വില്‍ക്കാനായില്ല; അട്ടപ്പാടിയില്‍ കര്‍ഷകന്‍ ജീവനൊടുക്കി

തൊഴിലുറപ്പ് നിയമം അട്ടിമറിക്കുന്ന കേന്ദ്ര സര്‍ക്കാര്‍ നിലപാടിനെതിരെയായിരുന്നു സി.പി.എം സമരം. ജില്ലയിലെ പല ഭാഗത്തുനിന്നുള്ള തൊഴിലുറപ്പ് തൊഴിലാളികളോട് സമരത്തില്‍ പങ്കെടുക്കാന്‍ പാര്‍ട്ടി നിര്‍ദ്ദേശിച്ചിരുന്നു. 

അതേസമയം, ആളുകള്‍ കൂടുതലായതുകൊണ്ടാണ് ലക്ഷ്മിയെ മാറ്റിയതെന്നാണ് നല്‍കുന്ന വിശദീകരണം. 42 പേര്‍ക്കുള്ള പണിയാണ് ഉണ്ടായിരുന്നത്. 49 ആളുകള്‍ പണിക്കെത്തി. അത്രയും ആളുകള്‍ക്ക് പണിയെടുക്കാന്‍ സാധിക്കില്ലായിരുന്നു. അതോടെ തൊഴിലാളികള്‍ ചേര്‍ന്നാണ് സമരത്തില്‍ പോയവര്‍ പണി എടുക്കട്ടെ എന്ന് തീരുമാനിച്ചതെന്ന് മേറ്റ് വിശദീകരിച്ചു. 

A complaint has emerged from Peravoor in Kannur district alleging that an elderly woman was denied work under the Mahatma Gandhi National Rural Employment Guarantee Act (MGNREGA) for not participating in a CPM-organised protest. The complainant, identified as Lakshmi from Murungodi Parangode area, was reportedly sent back when she arrived for work on Friday.