തിരൂരങ്ങാടി: ദാറുൽഹുദാ ഇസ്‍ലാമിക് സർവകലാശാലയുടെ ബിരുദദാന സമ്മേളനം ഇന്ന്. സ്മൃതിപഥ പ്രയാണം രാവിലെ ഏഴിന് ആരംഭിക്കും. 9.30ന് ഹുദവി സംഗമവും സ്ഥാനവസ്ത്ര വിതരണവും പാണക്കാട് അബ്ബാസലി ശിഹാബ് തങ്ങൾ ഉദ്ഘാടനം ചെയ്യും. പി.ജി ഡീൻ പി. അബ്ദുശ്ശകൂർ ഹുദവി ചെമ്മാട് അധ്യക്ഷനാകും. ഡോ. എം.പി അബ്ദുസ്സമദ് സമദാനി മുഖ്യാതിഥിയാവും. ഡോ. ബഹാഉദ്ദീൻ മുഹമ്മദ് നദ് വി, യു. മുഹമ്മദ് ശാഫി ഹാജി ചെമ്മാട്, കെ.സി മുഹമ്മദ് ബാഖവി, ഡോ. മുസ്തഖീം അഹ്‌മദ് ഫൈസി, ശറഫുദ്ദീൻ ഹുദവി ആനമങ്ങാട്, സയ്യിദ് ശാഹുൽ ഹമീദ് ഹുദവി കാവനൂർ, ഡോ. റഫീഖ് ഹുദവി കരിമ്പനക്കൽ, പി.കെ അബ്ദുന്നാസ്വിർ ഹുദവി പങ്കെടുക്കും.

ഉച്ചയ്ക്ക് രണ്ടിന് ഫാത്വിമ സഹ്‌റാ വനിതാ കാംപസിൽ നടക്കുന്ന സഹ്‌റാവിയ്യ ബിരുദദാന സമ്മേളനം ഡോ. ബഹാഉദ്ദീൻ മുഹമ്മദ് നദ്‍വി ഉദ്ഘാടനം ചെയ്യും. യു. മുഹമ്മദ് ശാഫി ഹാജി ചെമ്മാട് അധ്യക്ഷനാവും. മൂന്നിന് നടക്കുന്ന രണ്ടാം സെഷനിൽ സയ്യിദത്ത് സുൽഫത് ബീവി പാണക്കാട് 63 സഹ്‌റാവിയ്യകൾക്കുള്ള ബിരുദദാനം നിർവഹിക്കും.

ALSO READ: മദ്റസാധ്യാപക ക്ഷേമനിധി ബോർഡിൽ അംഗത്വം പുതുക്കാം 

വൈകിട്ട് അഞ്ചിന് ബിരുദദാന സമ്മേളനം ആരംഭിക്കും. ആശിഖ് ഇബ്‌റാഹീം ഹുദവി അമ്മിനിക്കാട്, മുഹമ്മദ് കടാങ്കോട് എന്നിവർ ആമുഖഭാഷണം നടത്തും. ഏഴിന് ബിരുദദാന സമ്മേളനം സമസ്ത പ്രസിഡന്റ് സയ്യിദ് മുഹമ്മദ് ജിഫ്‍രി മുത്തുക്കോയ തങ്ങൾ ഉദ്ഘാടനം ചെയ്യും. സയ്യിദ് മുഹമ്മദ് കോയ തങ്ങൾ ജമലുല്ലൈല്ലി പ്രാർഥനക്ക് നേതൃത്വം നൽകും. ചാൻസലർ പാണക്കാട് സയ്യിദ് സാദിഖലി ശിഹാബ് തങ്ങൾ അധ്യക്ഷനാകും. 269 ഹുദവി പണ്ഡിതർക്കുള്ള ബിരുദദാനവും തങ്ങൾ നിർവഹിക്കും. വൈസ് ചാൻസലർ ഡോ. ബഹാഉദ്ദീൻ മുഹമ്മദ് നദ്‍വി ബിരുദദാന പ്രഭാഷണവും അബ്ദുസ്സമദ് പൂക്കോട്ടൂർ മുഖ്യപ്രഭാഷണവും നടത്തും. ദാറുൽഹുദാ ജന. സെക്രട്ടറി യു. മുഹമ്മദ് ശാഫി ഹാജി സ്വാഗതം പറയും.

എം.ടി അബ്ദുല്ല മുസ്‍ലിയാർ, കുഞ്ഞി മുഹമ്മദ് മുസ്‍ലിയാർ നെല്ലായ, എം.പി മുസ്ത്വഫൽ ഫൈസി, ഹൈദർ ഫൈസി പനങ്ങാങ്ങര, സി.കെ അബ്ദുറഹ്‌മാൻ ഫൈസി അരിപ്ര, പി.കെ കുഞ്ഞാലിക്കുട്ടി, പി.വി അബ്ദുൽ വഹാബ് എം.പി, അഡ്വ. ഹാരിസ് ബീരാൻ എം.പി, കെ.പി.എ മജീദ് എം.എൽ.എ പ്രസംഗിക്കും.

darul huda islamic university’s convocation is today,