കൊച്ചി: കേരളത്തില്‍ ഡ്രൈവിങ് ടെസ്റ്റ് നിബന്ധനകള്‍ കടുപ്പിച്ചതോടെ, നിയമങ്ങളെ കാറ്റില്‍ പറത്തി മറ്റ് സംസ്ഥാനങ്ങളില്‍ നിന്ന് വ്യാജമായി ലൈസന്‍സ് സ്വന്തമാക്കുന്ന വന്‍ മാഫിയ സംഘം സജീവമാകുന്നു. ഡ്രൈവിങ് ടെസ്റ്റില്‍ പങ്കെടുക്കാതെ തന്നെ കര്‍ണാടകയിലെ മൈസൂരുവില്‍ നിന്ന് ലൈസന്‍സ് നേടിയെടുത്ത്, പിന്നീട് അത് കേരള ലൈസന്‍സാക്കി മാറ്റുന്ന തട്ടിപ്പാണ് മോട്ടോര്‍ വാഹന വകുപ്പിന്റെ (MVD) അന്വേഷണത്തില്‍ പുറത്തുവന്നിരിക്കുന്നത്.

തട്ടിപ്പിന്റെ രീതി ഇങ്ങനെ

കേരളത്തിലെ ഡ്രൈവിങ് ടെസ്റ്റുകളില്‍ പരാജയപ്പെടുന്നവരേയും ടെസ്റ്റിന് ഹാജരാകാന്‍ മടിയുള്ളവരേയുമാണ് തട്ടിപ്പ് സംഘം പ്രധാനമായും ലക്ഷ്യമിടുന്നത്. ഉദ്യോഗാര്‍ഥികളെ മൈസൂരുവിലെത്തിച്ച് അവിടെ താത്ക്കാലിക താമസം ഉണ്ടെന്ന് കാണിക്കുന്ന വ്യാജ വാടക കരാറുകളും തിരിച്ചറിയല്‍ രേഖകളും നിര്‍മിക്കുന്നു.

അവിടെയുള്ള ചില ഉദ്യോഗസ്ഥരുടെ ഒത്താശയോടെ ടെസ്റ്റില്‍ പങ്കെടുക്കാതെ തന്നെ ലൈസന്‍സ് നേടിയെടുക്കുന്നു.
മാസങ്ങള്‍ക്ക് ശേഷം ഈ ലൈസന്‍സ് കേരളത്തിലെ അഡ്രസ്സിലേക്ക് മാറ്റാന്‍ അപേക്ഷ നല്‍കി നിയമപരമായി കേരള ലൈസന്‍സ് കൈക്കലാക്കുന്നു.

 ALSO READ: കുരുന്നിന് കാവലായി പൊലിസ്; കിണറ്റില്‍ വീണ നാല് വയസുകാരനെ ജീവന്‍ പണയം വച്ച് രക്ഷപ്പെടുത്തി എസ്.ഐ

നിയമ നടപടികള്‍ കര്‍ശനമാക്കി എം.വി.ഡി

സംഭവം ശ്രദ്ധയില്‍പ്പെട്ടതോടെ മോട്ടോര്‍ വാഹന വകുപ്പ് പരിശോധനകള്‍ ശക്തമാക്കിയിട്ടുണ്ട്.

മറ്റ് സംസ്ഥാനങ്ങളില്‍ നിന്നു ലൈസന്‍സ് മാറ്റി വരുന്ന അപേക്ഷകരുടെ രേഖകള്‍ അതീവ ജാഗ്രതയോടെ പരിശോധിക്കാന്‍ നിര്‍ദേശം നല്‍കി. താമസരേഖകളില്‍ സംശയമുള്ള പക്ഷം പൊലിസ് വെരിഫിക്കേഷന്‍ നടത്തും.

തട്ടിപ്പ് കണ്ടെത്തിയാല്‍ ലൈസന്‍സ് റദ്ദാക്കുന്നതിനൊപ്പം ഇടനിലക്കാര്‍ക്കും ഉദ്യോഗാര്‍ഥികള്‍ക്കുമെതിരെ ക്രിമിനല്‍ നടപടികള്‍ സ്വീകരിക്കും.

അംഗീകൃതമായ പരിശീലനം ലഭിക്കാതെ ഇത്തരം കുറുക്കുവഴികളിലൂടെ ലൈസന്‍സ് നേടുന്നത് റോഡപകടങ്ങള്‍ വര്‍ധിപ്പിക്കുമെന്നും പൊതുജനങ്ങള്‍ ഇത്തരം കെണികളില്‍ വീഴരുതെന്നും അധികൃതര്‍ മുന്നറിയിപ്പ് നല്‍കി.

The Motor Vehicles Department has uncovered a racket in which candidates bypass Kerala’s strict driving tests by fraudulently obtaining licences from Mysuru in Karnataka and later converting them to Kerala licences, prompting stricter checks and criminal action.