നേപ്പിഡോ: മ്യാൻമറിൽ ശക്തമായ ഭൂചലനം. റിക്ടർ സ്കെയിലിൽ 5.9 തീവ്രത രേഖപ്പെടുത്തിയ ഭൂചലനമാണ് അനുഭവപ്പെട്ടത്. ഇതിന്റെ പ്രകമ്പനം പശ്ചിമ ബംഗാളിന്റെ വിവിധ ഭാഗങ്ങളിലും ബംഗ്ലാദേശിലും അനുഭവപ്പെട്ടു. കൊൽക്കത്തയിലും ബംഗ്ലാദേശ് തലസ്ഥാനമായ ധാക്കയിലും പ്രകമ്പനമുണ്ടായതായി റിപ്പോർട്ടുകളുണ്ട്.

മ്യാൻമറിലെ അക്യബിൽ (Akyab) നിന്ന് 70 മൈൽ കിഴക്ക് മാറി പത്ത് കിലോമീറ്റർ ആഴത്തിലാണ് ഭൂചലനത്തിന്റെ പ്രഭവകേന്ദ്രമെന്ന് ജർമൻ റിസർച്ച് സെന്റർ ഫോർ ജിയോസയൻസസ് (GFZ) അറിയിച്ചു. കഴിഞ്ഞ 71 മണിക്കൂറിനിടയിൽ ഇത് മൂന്നാം തവണയാണ് മ്യാൻമറിൽ ഭൂചലനം രേഖപ്പെടുത്തുന്നത്. ഭൂചലനത്തിൽ ഇതുവരെയും നാശനഷ്ടങ്ങളോ ജീവഹാനിയോ റിപ്പോർട്ട് ചെയ്തിട്ടില്ല.

ALSO READ: തൃശൂരിൽ കാട്ടാന ആക്രമണം: യുവാവിന് ദാരുണാന്ത്യം

മ്യാൻമറിലുണ്ടായ ചലനത്തിന്റെ ആഘാതത്തിൽ കൊൽക്കത്തയിലെയും ധാക്കയിലെയും കെട്ടിടങ്ങൾക്കും മറ്റും നേരിയ കുലുക്കം അനുഭവപ്പെട്ടത് ജനങ്ങൾക്കിടയിൽ ചെറിയ രീതിയിലുള്ള പരിഭ്രാന്തി പരത്തിയിട്ടുണ്ട്. സ്ഥിതിഗതികൾ അധികൃതർ നിരീക്ഷിച്ചു വരികയാണ്.

A strong earthquake struck Myanmar on Tuesday, February 3, 2026, with tremors felt across parts of India and Bangladesh. The epicenter was located about 70 miles east of Akyab, Myanmar. No immediate reports of major damage or injuries have been confirmed