കുണിയ: ഓരോ പോഷക സംഘടനകളും സമസ്ത കേരള ജംഇയ്യതുൽ ഉലമയുടെ ഉപദേശങ്ങളും തീരുമാനങ്ങളും പൂർണമായി ഉൾക്കൊണ്ട് പ്രവർത്തിക്കാൻ ബാധ്യസ്ഥരാണെന്ന് പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങൾ. നൂറാം വാർഷികത്തോട് അനുബന്ധിച്ച് നടന്ന നേതൃസംഗമം ഉദ്ഘാടനം ചെയ്യുകയായിരുന്നു അദ്ദേഹം. പൂർവീകരായ മഹാന്മാർ സ്ഥാപിച്ച പ്രസ്ഥാനമാണിത്. ഇതിനെ ഇകഴ്ത്താനോ, വിള്ളൽവീഴ്ത്താനോ ആരും ശ്രമിക്കരുത്. ഈ സംഘടനയിൽ അഭിമാനത്തോടെ പ്രവർത്തിക്കാൻ പോഷക സംഘടനകൾക്ക് കഴിയണം. ഏൽപ്പിക്കപ്പെട്ട ഉത്തരവാദിത്വം നിറവേറ്റണം. സ്വന്തം താൽപര്യങ്ങൾക്ക് വേണ്ടിയല്ല, സംഘടനക്കു വേണ്ടിയാണ് പ്രവർത്തിക്കേണ്ടതെന്ന് അദ്ദേഹം പറഞ്ഞു.

സമസ്ത സെക്രട്ടറി എം.ടി അബ്ദുല്ല മുസ്‌ലിയാർ അധ്യക്ഷനായി. കോഴിക്കോട് ഖാസി സയ്യിദ് മുഹമ്മദ് കോയ തങ്ങൾ ജമലുല്ലൈലി പ്രാർഥന നടത്തി. എ.വി അബ്ദുറഹ്‌മാൻ മുസ്‌ലിയാർ സ്വാഗതം പറഞ്ഞു. കെ. മോയിൻകുട്ടി മാസ്റ്റർ ആമുഖ പ്രഭാഷണം നടത്തി. എ. അബ്ദുൽ ബാഖി സംസാരിച്ചു. 33 പേർക്ക് ജിഫ്്രി തങ്ങൾ ഇസ്തിഖാമ സർട്ടിഫിക്കറ്റ് വിതരണം നടത്തി.