മലപ്പുറം: കേരളത്തിലെ ചിത്രകലാ രംഗത്തെ പ്രമുഖ വ്യക്തിത്വവും പ്രശസ്ത ചിത്രകാരനുമായ ശേഖര്‍ അയ്യന്തോളിനെ (71) എടപ്പാളിലെ സ്വന്തം ആര്‍ട്ട് ഗാലറിയില്‍ തൂങ്ങിമരിച്ച നിലയില്‍ കണ്ടെത്തി. എടപ്പാള്‍-കുറ്റിപ്പുറം റോഡിലെ 'ജെഡി ഡിജിറ്റല്‍ ആര്‍ട്ട് ഗാലറി'യിലാണ് അദ്ദേഹത്തെ മരിച്ച നിലയില്‍ കണ്ടത്. അഞ്ചു പതിറ്റാണ്ടിലേറെയായി കേരളത്തിലെ കലാരംഗത്ത് സജീവമായിരുന്നു അദ്ദേഹം.

കലാരംഗത്തെ സംഭാവനകള്‍
കേരള ചിത്രകലാപരിഷത്തിന്റെ പ്രസിഡന്റ്, ജനറല്‍ സെക്രട്ടറി എന്നീ നിലകളില്‍ പ്രവര്‍ത്തിച്ചു. കുമരനല്ലൂര്‍ ഗവ. ഹയര്‍ സെക്കന്‍ഡറി സ്‌കൂളിലെ ചിത്രകലാ അധ്യാപകനായിരുന്നു. തൃശൂര്‍ ഫൈന്‍ ആര്‍ട്‌സ് കോളജില്‍ (മുന്‍പ് ഒക്യുപേഷണല്‍ ഇന്‍സ്റ്റിറ്റ്യൂട്ട്) നിന്ന് ഡ്രോയിങ്ങിലും പെയിന്റിങ്ങിലും ഡിപ്ലോമ നേടിയ അദ്ദേഹം അവിടെ ആര്‍ട്ട് ഇന്‍സ്ട്രക്ടറായും സേവനമനുഷ്ഠിച്ചിട്ടുണ്ട്.

1954ല്‍ തൃശൂരിലെ അയ്യന്തോളിലാണ് ജനനം. അദ്ദേഹത്തിന്റെ വിയോഗം കേരളത്തിലെ ചിത്രകലാ ലോകത്തിന് വലിയൊരു നഷ്ടമാണ്. ഭാര്യ: പി.കെ ഓമന(റിട്ട. പ്രഥമാധ്യാപിക, കുമരനെല്ലൂര്‍ ജി.എച്ച്.എസ്.എസ്). മക്കള്‍: ജിനന്‍ ശേഖര്‍, ധനന്‍ ശേഖര്‍.
സംസ്‌കാരം ഇന്ന് നടക്കും.

Veteran artist and former President of Kerala Chithrakala Parishath, Shekar Ayyanthole (71), was found dead at his digital art gallery in Edappal, ending a prolific five-decade-long career in the world of fine arts.