കൊച്ചി: മൂവാറ്റുപുഴ പേഴയ്ക്കാപ്പിള്ളിയില്‍ മദ്യപാനത്തിനിടെയുണ്ടായ തര്‍ക്കത്തെത്തുടര്‍ന്ന് അതിഥി തൊഴിലാളി കുത്തേറ്റ് മരിച്ചു. ഒഡിഷ സ്വദേശിയായ രാകേഷ് ബഹ്‌റ ആണ് കൊല്ലപ്പെട്ടത്. സംഭവവുമായി ബന്ധപ്പെട്ട് ഒപ്പമുണ്ടായിരുന്ന മൂന്ന് സുഹൃത്തുക്കളെ പൊലിസ് കസ്റ്റഡിയിലെടുത്തു.

മൂവാറ്റുപുഴയ്ക്ക് സമീപമുള്ള പേഴയ്ക്കാപ്പിള്ളിയിലാണ് അതിഥി തൊഴിലാളികളുടെ താമസസ്ഥലം. ഇന്ന് (തിങ്കളാഴ്ച) രാവിലെയാണ് സംഭവം നടന്നത്. ഒരുമിച്ചിരുന്ന് മദ്യപിക്കുന്നതിനിടെ രാകേഷും സുഹൃത്തുക്കളും തമ്മില്‍ രൂക്ഷമായ വാക്കുതര്‍ക്കം ഉണ്ടായി. ഇത് കൈയാങ്കളിയിലേക്ക് നീങ്ങുകയും പ്രതികള്‍ കത്തിയുപയോഗിച്ച് രാകേഷിനെ ക്രൂരമായി കുത്തിപ്പരിക്കേല്‍പ്പിക്കുകയുമായിരുന്നു.

ALSO READ: അനധികൃത സ്പാകള്‍ക്കെതിരെ 'സര്‍ജിക്കല്‍ സ്‌ട്രൈക്കുമായി' തിരുവനന്തപുരം നഗരസഭ; കര്‍ശന നടപടിക്ക് മേയറുടെ നിര്‍ദേശം

വിവരമറിഞ്ഞ് ഉടന്‍ സ്ഥലത്തെത്തിയ മൂവാറ്റുപുഴ പൊലിസ് പ്രതികളെ കസ്റ്റഡിയിലെടുത്തു. രാകേഷിന്റെ ശരീരത്തിലേറ്റ ആഴത്തിലുള്ള മുറിവുകളാണ് മരണത്തിന് കാരണമായതെന്നാണ് പ്രാഥമിക നിഗമനം. മൃതദേഹം ഇന്‍ക്വസ്റ്റ് നടപടികള്‍ക്ക് ശേഷം പോസ്റ്റ്‌മോര്‍ട്ടത്തിനായി മാറ്റി. സംഭവത്തില്‍ പൊലിസ് വിശദമായ അന്വേഷണം ആരംഭിച്ചിട്ടുണ്ട്.

An Odisha native was fatally stabbed by his roommates during a drunken brawl in Muvattupuzha, leading to the immediate detention of three suspects by the police.