കൊച്ചി: കൊച്ചിയില്‍ നിന്ന് ലക്ഷദ്വീപിലേക്കുള്ള  പ്രതിദിന വിമാന സര്‍വിസ് ഇന്ന് മുതല്‍. മലയാളിയുടെ ഉടമസ്ഥതയിലുള്ള ഫ്‌ളൈ- 91 ആണ് സര്‍വീസ് നടത്തുന്നത്.

അഗത്തിയില്‍ നിന്ന് കൊച്ചിയിലേക്ക് രാവിലെ 9.30ന് സര്‍വിസ് ആരംഭിക്കുന്ന വിമാനം 1.50ന് കൊച്ചി ഇന്റര്‍നാഷണല്‍ എയര്‍പോര്‍ട്ടിലെത്തും. കൊച്ചിയില്‍ നിന്നും രാവിലെ 11.20ന് പുറപ്പെടുന്ന വിമാനം 12.45ന് അഗത്തിയിലെത്തും. വ്യാഴാഴ്ച ഒഴികെ എല്ലാ ദിവസങ്ങളിലും സര്‍വിസ് ഉണ്ടാകുമെന്നാണ് വിവരം.

നിലവില്‍ ലക്ഷദ്വീപിലേക്ക് സര്‍വീസ് നടത്തുന്ന മൂന്നാമത്തെ വിമാന കമ്പനിയാണ് ഫ്‌ലൈ-91.ഇന്‍ഡിഗോ, അലൈന്‍സ് എയര്‍ എന്നിവയാണ് മറ്റ് കമ്പനികള്‍.

daily flight service between kochi and lakshadweep has started from today. the service is operated by fly91, a malayali-owned airline, with flights available on all days except thursday, strengthening air connectivity to agatti island.