തിരുവനന്തപുരം: ശബരിമല സ്വര്‍ണക്കൊള്ളക്കേസില്‍ ജാമ്യ വ്യവസ്ഥയില്‍ ഇളവ് തേടാന്‍ തന്ത്രി കണ്ഠരര് രാജീവരര്‍. പത്തനംതിട്ട ജില്ലയില്‍ പ്രവേശിക്കരുതെന്ന വ്യവസ്ഥയിലാണ് ഇളവ് തേടുക. തിരുവല്ലയിലെ സ്വകാര്യ ആശുപത്രിയില്‍ ചികിത്സയ്ക്കായി പോകണമെന്ന് ചൂണ്ടിക്കാട്ടി കൊല്ലം വിജിലന്‍സ് കോടതിയില്‍ അപേക്ഷ നല്‍കും. 

കേസിലെ മുഖ്യപ്രതി ഉണ്ണികൃഷ്ണന്‍ പോറ്റിയുമായുള്ള ബന്ധം, തന്ത്രിയുടെ സാമ്പത്തിക ഇടപാടുകള്‍ സംബന്ധിച്ച തെളിവുകളിലുള്ള അപര്യാപ്തത എന്നിവ പരിഗണിച്ച് കര്‍ശന ഉപാധികളോടെയാണ് തന്ത്രിക്ക് കോടതി ജാമ്യം അനുവദിച്ചത്. കട്ടിളപ്പാളി, ദ്വാരപാലക ശില്‍പ്പ സ്വര്‍ണ മോഷണക്കേസുകളില്‍ ജയിലിലായി നാല്പത്തിയൊന്നാം ദിവസമാണ് തന്ത്രിക്ക് ജാമ്യം ലഭിച്ചത്. തെളിവുകളുടെ അഭാവത്തില്‍ ജാമ്യം അനുവദിക്കണമെന്ന പ്രതിഭാഗത്തിന്റെ വാദം കോടതി അംഗീകരിക്കുകയായിരുന്നു. തന്ത്രി എന്നുള്ള രീതിയിലാണ് ശബരിമലയില്‍ ഇടപെടല്‍ നടത്തിയതെന്നും സ്വര്‍ണാപഹരണത്തില്‍ പങ്കില്ലെന്നുമായിരുന്നു തന്ത്രിയുടെ വാദം. കേസില്‍ സ്വാഭാവികമല്ലാത്ത ജാമ്യം ലഭിക്കുന്ന പ്രതി കൂടിയാണ് തന്ത്രി എന്നതും ശ്രദ്ധേയമാണ്.

ALSO READ: നിയമസഭയില്‍ ഇന്നും പ്രതിഷേധം; പ്ലക്കാര്‍ഡുകളുമായി പ്രതിപക്ഷം നടുത്തളത്തില്‍ 

അതേസമയം, തന്ത്രിക്ക് ജാമ്യം ലഭിച്ചതിനെതിരേ അപ്പീല്‍ നല്‍കാ പ്രത്യേക അന്വേഷണ സംഘം തീരുമാനിച്ചിട്ടുണ്ട്. ഹൈക്കോടതിയിലാണ് അപ്പീല്‍ നല്‍കുക. തെളിവില്ലാതെയാണ് തന്ത്രിയെ അറസ്റ്റ് ചെയ്തതെന്ന കൊല്ലം വിജിലന്‍സ് കോടതി നിരീക്ഷണത്തെ തുടര്‍ന്ന് അപ്പീല്‍ ഉടന്‍ വേണ്ടെന്നായിരുന്നു ആദ്യ തീരുമാനം. ഇതിലാണ് പുനരാലോചന നടത്തി അപ്പീലിന് പോകാന്‍ ഇപ്പോള്‍ എസ്.ഐ.ടി തീരുമാനിച്ചിരിക്കുന്നത്.

In the Sabarimala gold theft case, Kandararu Rajeevvaru, the Tantri of Sabarimala Temple, has decided to seek relaxation of his bail conditions to undergo medical treatment. He plans to approach the Vigilance Court in Kollam requesting permission to enter Pathanamthitta district, which he is currently barred from visiting as part of his bail terms.