കോഴിക്കോട്: വലിയങ്ങാടിയില്‍ തകര്‍ന്ന സംഭവത്തില്‍ ഉദ്യോഗസ്ഥരുടെ വീഴ്ച അന്വോഷിക്കുമെന്ന് കോഴിക്കോട് മേയര്‍ ഒ.സദാശിവന്‍. കെട്ടിടത്തിന്റെ ദൗര്‍ബല്യം പരിശോധിക്കുന്നതില്‍ ഉദ്യോഗസ്ഥരുടെ ഭാഗത്ത് വീഴ്ച ഉണ്ടായോ എന്നാണ് അന്വേഷിക്കുക.  അന്വേഷണത്തിന് സംവിധാനമൊരുക്കാന്‍ തദ്ദേശ സ്വയംഭരണ വകുപ്പിനോട് ആവശ്യപ്പെടുമെന്നും അദ്ദേഹം വ്യക്തമാക്കി. ഉദ്യോഗസ്ഥരുടെ ഭാഗത്ത് വീഴ്ചയുണ്ടെന്ന് കണ്ടെത്തിയാല്‍ നടപടിയെടുക്കുമെന്നും അദ്ദേഹം വ്യക്തമാക്കി. മരണപ്പെട്ടവരുടെ ആശ്രിതര്‍ക്ക് ജോലി നല്‍കുന്നതിന് സര്‍ക്കാരിന്റെ അനുമതി തേടുമെന്നും മേയര്‍ കൂട്ടിച്ചേര്‍ത്തു. 

തിങ്കളാഴ്ചയായിരുന്നു വലിയങ്ങാടിയില്‍ അപകടമുണ്ടായത്. കെട്ടിടത്തിന്റെ കോണ്‍ക്രീറ്റ് സ്ലാബ് തകര്‍ന്നുവീഴുകയായിരുന്നു.  60 വര്‍ഷത്തോളം പഴക്കമുള്ള കെട്ടിടം കോര്‍പറേഷന്റെ ഉടമസ്ഥതയിലുള്ളതാണ്. നാല് പേരാണ് അപകടത്തില്‍ കൊല്ലപ്പെട്ടത്.ഉച്ചയ്ക്ക് 11.55 ഓടെയായിരുന്നു അപകടമുണ്ടായത്.

ALSO READ: നാടകമേ ഉലകം... പ്രതിഷേധക്കാരെ കണ്ട് പെട്ടെന്ന് തിരിഞ്ഞു നോക്കിയതിൽ കഴുത്തുളുക്കിയ മന്ത്രിയെ ഐ.സി.യുവിലാക്കുന്നു' വീണ ജോർജ്ജിനെതിരെ ഹർഷിന 

കെട്ടിടത്തിന് സമീപം വിശ്രമിക്കുകയായിരുന്ന ചുമട്ടുതൊഴിലാളികളാണ് അപകടത്തില്‍പ്പെട്ടത്. കിണാശ്ശേരി സ്വദേശികളായ അഷ്‌റഫ്, ജബ്ബാര്‍, അത്തോളി സ്വദേശി ബഷീര്‍ , തിരുവങ്ങൂര്‍ സ്വദേശി വിനോദ് എന്നിവരാണ് മരിച്ചത്. രണ്ടുപേര്‍ക്ക് അപകടത്തില്‍ പരുക്കേല്‍ക്കുകയും ചെയ്തിരുന്നു.

kozhikode mayor announces probe into alleged official lapses in valiyangadi building collapse and plans to seek government nod for jobs to victims’ dependents.