തിരുവനന്തപുരം: കേരളത്തില്‍ ശിശുമരണ നിരക്ക് കുറയാന്‍ കാരണം വിദേശ കുടിയേറ്റമെന്ന വിചിത്ര വാദവുമായി ബിജെപി സംസ്ഥാന അധ്യക്ഷന്‍ രാജീവ് ചന്ദ്രശേഖര്‍. മനോരമ ഇയര്‍ബുക്ക് സംഘടിപ്പിച്ച കേരള സമ്മിറ്റ് വികസന സെമിനാറിലായിരുന്നു രാജീവ് ചന്ദ്രശേഖറിന്റെ പ്രസ്താവന. 

ചര്‍ക്കിടെ സഹപാനലിസ്റ്റ് നല്‍കിയ പരാമര്‍ശത്തിന് മറുപടിയായാണ് രാജീവ് ചന്ദ്രശേഖറിന്റെ മറുപടി. ' ഒരു രാഷ്ട്രീയക്കാരന്‍ പറയുകയാണ് കേരളത്തില്‍ ശിശുമരണ നിരക്ക് കുറവാണെന്ന്. നല്ലതാണ്, എന്നാല്‍ ഏറ്റവും കൂടുതല്‍ യൂത്ത് മൈഗ്രേഷന്‍ കേരളത്തില്‍ നിന്നാണ്. കുട്ടികളെ ഉണ്ടാക്കുന്ന യുവാക്കള്‍ ഇവിടെനിന്ന് പോകുമ്പോള്‍ സ്വാഭാവികമായും ശിശുമരണ നിരക്ക് കുറയില്ലേ.., ഇതായിരുന്നു രാജീവ് ചന്ദ്രശേഖരിന്റെ വാദം.

ALSO READ: ഹോർമുസ് കടലിടുക്കിൽ 1100-ഓളം ഇന്ത്യൻ നാവികരും 37 ഇന്ത്യൻ കപ്പലുകളും കുടുങ്ങിക്കിടക്കുന്നതായി റിപ്പോർട്ട്; എൽപിജി ഇറക്കുമതി അവതാളത്തിൽ 

ചര്‍ച്ചയുടെ വീഡിയോ പുറത്തുവന്നതിന് പിന്നാലെ സോഷ്യല്‍ മീഡിയ ബിജെപി അധ്യക്ഷനെ കണക്കിന് പരിഹസിച്ചു. പരാമര്‍ശത്തില്‍ മറുപടിയുമായി മന്ത്രി പി രാജീവ് രംഗത്തുവന്നു. ശിശുമരണ നിരക്ക് കുറയുന്നതിനുള്ള കാരണം യുവാക്കള്‍ പുറത്തേക്ക് പോകുന്നതാണെന്ന ഒരു വിദ്വാന്റെ പരാമര്‍ശം നേട്ടങ്ങളെ അംഗീകരിക്കാനുള്ള മടി മാത്രമാണെന്ന് അദ്ദേഹം പറഞ്ഞു. വളരെ വിദ്യാഭ്യാസമുള്ള മുന്‍ കേന്ദ്രമന്ത്രിയാണ് ഇങ്ങനെ പറഞ്ഞതെന്നും മന്ത്രി പരിഹസിച്ചു.

bjp state president rajeev chandrashekhar claims, in a strange argument, that foreign immigration is the reason for the decline in infant mortality rate in kerala.