റിയാദ്: സൊമാലിയയിൽ നിന്നുള്ള സയാമീസ് ഇരട്ടകളായ റഹ്മയെയും റംലയെയും വിജയകരമായി വേർപെടുത്തി. റിയാദിലെ കിങ് അബ്ദുൽ അസീസ് മെഡിക്കൽ സിറ്റിയിലുള്ള കിങ് അബ്ദുല്ല സ്പെഷ്യലിസ്റ്റ് ചിൽഡ്രൻസ് ഹോസ്പിറ്റലിലായിരുന്നു ഈ സങ്കീർണ ശസ്ത്രക്രിയ. സഊദി സയാമീസ് ട്വിൻസ് പ്രോഗ്രാം മെഡിക്കൽ സംഘമാണ് നേതൃത്വം നൽകിയത്. ഡോ. അബ്ദുല്ല അൽ-റബീഹയുടെ മേൽനോട്ടത്തിലായിരുന്നു ശസ്ത്രക്രിയ. 12 മണിക്കൂർ കൊണ്ട് എട്ട് ഘട്ടങ്ങളിലായാണ് ദൗത്യം പൂർത്തിയാക്കിയത്. അനസ്തേഷ്യ, പീഡിയാട്രിക് സർജറി, യൂറോളജി, ഓർത്തോപീഡിക്സ്, പ്ലാസ്റ്റിക് സർജറി തുടങ്ങി വിവിധ വിഭാഗങ്ങളിൽ നിന്നുള്ള 36 വിദഗ്ധർ പങ്കാളികളായി. വയറിന്റെ താഴ്ഭാഗവും പെൽവിസും ഒട്ടിച്ചേർന്ന നിലയിലായിരുന്നു ഇരട്ടകൾ.

ALSO READ: ഗള്‍ഫില്‍ തുടര്‍ച്ചയായ ആക്രമണങ്ങള്‍: മനാമയിലെ ഇസ്‌റാഈല്‍, റിയാദിലെ യു.എസ് എംബസികള്‍ക്ക് നേരെ ആക്രമണം; സഊദി എയര്‍ ബേസിലേക്ക് 3 ബാലിസ്റ്റിക് മിസൈലുകള്‍ |

ഒരു വൻകുടൽ, മലാശയം എന്നിവയായിരുന്നു ഇവർക്ക്. 13 മാസം പ്രായമുള്ള ഇരട്ടകളെ 2025 മെയ് 6നാണ് സഊദിയിലെത്തിച്ചത്. 35 വർഷത്തിനിടെ സഊദി സയാമീസ് ട്വിൻസ് പ്രോഗ്രാമിലൂടെ നടക്കുന്ന 68ാമത്തെ വേർപെടുത്തൽ ശസ്ത്രക്രിയയാണിത്. 
തങ്ങളുടെ കുട്ടികൾക്ക് മികച്ച ജീവിതം നൽകിയ സൽമാൻ രാജാവിനും കിരീടാവകാശി മുഹമ്മദ് ബിൻ സൽമാൻ രാജകുമാരനും കുട്ടികളുടെ മാതാപിതാക്കൾ നന്ദി പ്രകടിപ്പിച്ചു. 

"The surgical separation of Somali conjoined twins Rahma and Ramla was successfully completed at King Abdullah Specialist Children’s Hospital in Riyadh. Led by Dr. Abdullah Al-Rabeeah, the complex 12-hour surgery involved a team of 36 specialists, marking the 68th successful procedure by the Saudi Conjoined Twins Program."