തിരുവനന്തപുരം: ഇനി ചില്ലറ തേടി അലയേണ്ട, എ.ടി.എമ്മുകളില്‍ നിന്ന് ചെറിയ മൂല്യമുള്ള നോട്ടുകള്‍ പിന്‍വലിക്കുന്നതിനുള്ള സംവിധാനം ഏര്‍പ്പെടുത്താനൊരുങ്ങി റിസര്‍വ് ബാങ്ക്. രാജ്യത്ത് ചെറിയ മൂല്യമുള്ള നോട്ടുകള്‍ക്ക് ക്ഷാമമില്ലെന്നും ഇവ സുഗമമായി ലഭ്യമാക്കുന്നതിനായി പ്രത്യേക 'സ്‌മോള്‍ ഡിനോമിനേഷന്‍ ഡിസ്‌പെന്‍സറുകള്‍' പരീക്ഷിച്ചു വരികയാണെന്നും റിസര്‍വ് ബാങ്ക് അധികൃതര്‍ അറിയിച്ചു. ഈ എ.ടി.എമ്മുകള്‍ വഴി 10, 20, 50 രൂപ നോട്ടുകള്‍ നേരിട്ട് പിന്‍വലിക്കാന്‍ കഴിയും.

നിലവിലുള്ള ഭൂരിഭാഗം എ.ടി.എമ്മുകളും 100, 200, 500 രൂപ നോട്ടുകള്‍ വിതരണം ചെയ്യാന്‍ മാത്രം രൂപകല്‍പന ചെയ്തിട്ടുള്ളവയാണ്. ഈ പ്രശ്‌നം പരിഹരിക്കാനാണ് പുതിയ പൈലറ്റ് പദ്ധതിക്ക് തുടക്കമിടുന്നത്. ഇതോടെ സാധാരണക്കാര്‍ക്ക് ചില്ലറ നോട്ടുകള്‍ക്കായി ബാങ്കുകളെ ആശ്രയിക്കാതെ തന്നെ എ.ടി.എമ്മുകളില്‍ നിന്ന് പണം പിന്‍വലിക്കാനാകും.

ALSO READ: സ്‌കൂളടച്ചു, ഇനി പഴയ ബാഗുകള്‍ വിശ്രമിക്കട്ടെ; പക്ഷേ പഴഞ്ചന്‍ ലുക്കിലല്ല..! പഴയ സ്‌കൂള്‍ ബാഗുകളും ട്രാവല്‍ ബാഗുകളും കളയുന്നതിന് പകരം അവയെ എങ്ങനെ മനോഹരമായി പുതുക്കിയെടുക്കാം എന്നതിനെക്കുറിച്ച് ചിന്തിച്ചിട്ടുണ്ടോ..? 
ഡിജിറ്റല്‍ പേയ്മെന്റുകള്‍ വ്യാപകമായതോടെ കടകളില്‍ ചില്ലറ ലഭ്യത കുറഞ്ഞുവെന്ന പരാതികള്‍ക്കിടയിലാണ് കേന്ദ്ര സര്‍ക്കാരിന്റെ നിര്‍ദേശാനുസരണം റിസര്‍വ് ബാങ്കിന്റെ ഈ സുപ്രധാന ഇടപെടല്‍.

കുറഞ്ഞ തുകയുടെ കൈമാറ്റങ്ങള്‍ക്കായി ഡിജിറ്റല്‍ സംവിധാനങ്ങളെ കൂടുതല്‍ ആശ്രയിക്കുന്നുണ്ടെങ്കിലും, നേരിട്ടുള്ള പണമിടപാടുകള്‍ സുഗമമാക്കാന്‍ എ.ടി.എമ്മുകളിലെ ഈ മാറ്റം സഹായിക്കും.

Customers will soon be able to withdraw ₹10 notes from ATMs as banks plan to introduce special dispensers for small denomination currency. The initiative aims to make smaller value notes more easily available to the public, especially for daily transactions.