ഏപ്രിൽ 9-ന് സംസ്ഥാനത്ത് ശമ്പളത്തോടു കൂടിയ അവധി; വോട്ടെടുപ്പ് പ്രമാണിച്ച് ലേബർ കമ്മിഷണറുടെ ഉത്തരവ്
തിരുവനന്തപുരം: സംസ്ഥാനത്തെ മുഴുവന് സ്വകാര്യ സ്ഥാപനങ്ങള്, സ്വകാര്യ വ്യവസായ കേന്ദ്രങ്ങള്, ഷോപ്സ് ആന്റ് കൊമേഷ്യല് എസ്റ്റാബ്ലിഷ്മെന്റ് ആക്ടിന്റെ പരിധിയില് വരുന്ന സ്വകാര്യ സ്ഥാപനങ്ങള് എന്നിവിടങ്ങളിലെ ജീവനക്കാര്ക്കും തൊഴിലാളികള്ക്കും വോട്ടെടുപ്പു ദിവസമായ ഏപ്രില് ഒമ്പതിന് വേതനത്തോടു കൂടിയ അവധി അനുവദിയ്ക്കാന് സംസ്ഥാന ലേബര് കമ്മിഷണര് സഫ്ന നസറുദീന് ഉത്തരവിട്ടു.
അവധിയുടെ അടിസ്ഥാനത്തില് ജീവനക്കാരുടേയോ തൊഴിലാളികളുടേയോ വേതനത്തില് കുറവു വരുത്തുകയോ വെട്ടിക്കുറയ്ക്കുയോ ചെയ്യാന് പാടില്ലന്നും ഉത്തരവില് പറയുന്നു. സാധാരണ ഇത്തരത്തില് ഒരു അവധി ദിവസം വേതനം കിട്ടാത്തവിധം ജോലി ചെയ്യുന്നവര്ക്ക് അവധി അനുവദിച്ചിട്ടില്ലെങ്കില് അവര്ക്ക് വേതനം നല്കേണ്ടതാണ്.
എന്നാല് അവധി അനുവദിക്കുമ്പോള് ആ വ്യക്തി ചെയ്യുന്ന തൊഴിലിന് തുടര്ച്ചയായതോ ആപത്ക്കരമോ ആയ നഷ്ടത്തിന് ഇടവരും എന്നുണ്ടെങ്കില് അയാള്ക്ക് വോട്ടുരേഖപ്പെടുത്തുന്നതിന് പ്രത്യേക അനുമതി നല്കണമെന്നും ഉത്തരവില് നിര്ദേശിക്കുന്നു.
Comments (0)
Disclaimer: "The website reserves the right to moderate, edit, or remove any comments that violate the guidelines or terms of service."