എടപ്പാള്‍: വീട്ടമ്മയെ ഇരുമ്പുവടികൊണ്ടു തലയ്ക്കടിച്ചു മോഷണം നടത്താനുള്ള ശ്രമം വിഫലമായി. സൗത്ത് മാണൂര്‍ കടുങ്ങാംകുന്നത്ത് അബ്ദുല്‍ റസാഖിന്റെ ഭാര്യ സുലൈഖ (38)യ്ക്കാണ് തിങ്കളാഴ്ച രാത്രി പത്തരയോടെ മോഷ്ടാവിന്റെ അടിയേറ്റത്.
അടിയേറ്റ സുലൈഖ ബോധരഹിതയായി. ഇതിനിടയില്‍ മോഷ്ടാവ് സുലൈഖയുടെ കാതിലെ സ്വര്‍ണം തട്ടിയെടുക്കാന്‍ ശ്രമിച്ചെങ്കിലും നിലവിളികേട്ട് ഭര്‍ത്താവ് എത്തിയതോടെ ഓടി രക്ഷപ്പെടുകയായിരുന്നു. ആഭരണത്തിന്റെ ഒരു ഭാഗം നഷ്ടപ്പെട്ടു.
നാട്ടുകാരുടെ നേതൃത്വത്തില്‍ പരിസരങ്ങളില്‍ തിരച്ചില്‍ നടത്തിയെങ്കിലും മോഷ്ടാവിനെ കണ്ടെണ്ടത്താന്‍ സാധിച്ചില്ല. പൊന്നാനി പൊലിസ് സ്ഥലത്തെത്തി അന്വേഷണം ആരംഭിച്ചു.