തൊടുപുഴ: നൂതന മത്സ്യകൃഷിരീതികളില്‍ പ്രദര്‍ശന ഫാമുകള്‍ സ്ഥാപിക്കുന്നതിനായി ഫിഷറീസ് വകുപ്പ് ജില്ലയിലെ കര്‍ഷകരില്‍ നിന്നും അപേക്ഷ ക്ഷണിച്ചു.
ഗിഫ്റ്റ്തിലാപ്പിയ കൃഷിക്ക് അപേക്ഷിക്കുന്നവര്‍ 50 സെന്റില്‍ കുറയാത്ത ജലാശയ വിസ്തൃതിയുളള കുളം ഉളളവരും സര്‍ക്കാര്‍ നിര്‍ദ്ദേശങ്ങള്‍ക്കനുസൃതമായി ജൈവസുരക്ഷാ മാനദണ്ഡങ്ങള്‍ പാലിക്കുന്നതിന് സാധിക്കുന്നവരും ആയിരിക്കണം. മത്സ്യകൃഷിക്കുളള ജലം പുനര്‍ചംക്രമണം ചെയ്തുകാïുളള ചെലവേറിയ കൃഷിരിതിയായ 'റീസര്‍ക്യുലേറ്ററിമത്സ്യകൃഷി'ക്ക് 50 ശതമാനം ധനസഹായം ലഭിക്കും.
അപേക്ഷാഫോറം ഫിഷറീസ് അസിസ്റ്റന്റ് ഡയറക്ടറുടെ കുമളിയിലുളള ഓഫീസില്‍ നിന്നും ലഭിക്കും. കൂടുതല്‍ വിവരങ്ങള്‍ക്ക് 04869 222326 എന്ന നമ്പറില്‍ ബന്ധപ്പെടാം.