എടച്ചേരി: ഖത്തര്‍ എടച്ചേരി മുസ്‌ലിം റിലീഫ് കമ്മിറ്റി സാന്ത്വന സ്പര്‍ശം പദ്ധതിക്കു തുടക്കമായി. 42 വര്‍ഷമായി എടച്ചേരി കേന്ദ്രമായി പ്രവര്‍ത്തിക്കുന്ന ഖത്തര്‍ മുസ്‌ലിം റിലീഫ് കമ്മിറ്റിയാണു പുതിയ പദ്ധതിക്കു തുടക്കംകുറിച്ചത്. പദ്ധതി പാറക്കല്‍ അബ്ദുല്ല എം.എല്‍.എ യു.പി മൂസ മാസ്റ്റര്‍ക്ക് ചെക്ക് കൈമാറി ഉദ്ഘാടനം ചെയ്തു. കമ്മിറ്റി പ്രസിഡന്റ് അസ്ഹര്‍ പുന്നോടന്‍കണ്ടി അധ്യക്ഷനായി.
സമസ്ത പൊതുപരീക്ഷയിലും എസ്.എസ്.എല്‍.സി, പ്ലസ്ടു, ഡിഗ്രി പരീക്ഷകളിലും ഉന്നത വിജയം നേടിയ വിദ്യാര്‍ഥികളെ ചടങ്ങില്‍ അനുമോദിച്ചു. കാഷ് അവാര്‍ഡുദാനവും മൊമെന്റോ വിതരണവും സൂപ്പി നരിക്കാട്ടേരി നിര്‍വഹിച്ചു. ഇ.വി കുഞ്ഞമ്മദ് മൗലവി, എം.എ മൗലവി, അഹ്മദ് ബാഖവി ജാതിയേരി, ഇ. കുഞ്ഞബ്ദുല്ല മാസ്റ്റര്‍, ടി.കെ അഹ്മദ് മാസ്റ്റര്‍, എം.പി ഹമദ് അബ്ദുറഹ്മാന്‍, എം.കെ കുഞ്ഞബ്ദുല്ല മൗലവി, പി. ഉസ്മാന്‍ ഹാജി, കണ്ടോത്ത് മായന്‍ ഹാജി, പി.എ തലായി, സഫീര്‍ ഹസ്സന്‍, റിയാസ് തട്ടാറത്ത്, മുഹമ്മദ് ടി, സിദ്ദീഖ് മായന്‍, അക്കു അഷ്‌ക്കര്‍ സംസാരിച്ചു.