ന്യൂഡല്‍ഹി:  ഉറി സൈനിക കേന്ദ്രത്തിലുണ്ടായ ഭീകരാക്രമണത്തിന്റെ പശ്ചാത്തലത്തില്‍ പാക് ഹൈക്കമ്മീഷണറെ വിളിച്ചു വരുത്തി ഇന്ത്യ വിശദീകരണം തേടി. ഇന്ത്യന്‍ വിദേശകാര്യ മന്ത്രാലയമാണ് ഹൈക്കമ്മീഷണറെ വിളിച്ചുവരുത്തിയത്.

ആക്രമണത്തില്‍ പാകിസ്താന്റെ പങ്ക് വ്യക്തമാക്കുന്ന തെളിവുകളും പാക് ഹൈക്കമ്മീഷണര്‍ അബ്ദുല്‍ ബാസിതിന് ഇന്ത്യ കൈമാറി. അഞ്ചു തെളിവുകളാണ് ഇന്ത്യ കൈമാറിയത്. ജിപിഎസ് സംവിധാനമുള്‍പ്പെടെയുള്ള തെളിവുകള്‍ പാകിസ്താന് കൈമാറിയവയില്‍ പെടുന്നു.

തെളിവുകളുടെ അടിസ്ഥാനത്തില്‍ പാകിസ്താന്‍ എത്രയും പെട്ടെന്ന് നടപടി എടുക്കണമെന്ന് വിദേശകാര്യ സെക്രട്ടറി എസ്.ജയശങ്കര്‍ അബ്ദുല്‍ ബാസിതിനോട് ആവശ്യപ്പെട്ടു.


ഒരു തിരിച്ചടിക്കു മുതിരുന്നതിനേക്കാള്‍ പാകിസ്താനെ രാജ്യാന്തര സമൂഹത്തില്‍ ഒറ്റപ്പെടുത്താനാണ് ഇന്ത്യയുടെ നീക്കം.