നാവിക സേനയില്‍ പൈലറ്റ്, നായിക് തസ്തികകളിലേക്ക് യോഗ്യരായ ഉദ്യോഗാര്‍ഥികളില്‍നിന്ന് അപേക്ഷ ക്ഷണിച്ചു. എന്‍ജിനിയര്‍മാരായ അവിവാഹിതരായ പുരുഷന്‍മാര്‍ക്കും സ്ത്രീകള്‍ക്കും അപേക്ഷിക്കാം. 2017 ജൂണില്‍ ഏഴിമല നാവിക അക്കാദമിയില്‍ കോഴ്‌സ് ആരംഭിക്കും.
പൈലറ്റാകുന്നതിന് പ്ലസ്ടുവിന് ഫിസിക്‌സ്, മാത്തമാറ്റിക്‌സ് പഠിച്ചിരിക്കണം. 60 ശതമാനം മാര്‍ക്കോടെ ബി.ഇ, ബി.ടെക് പാസാകുകയും വേണം. നായിക് തസ്തികയ്ക്കു 60 ശതമാനം മാര്‍ക്കോടെ ബി.ഇ, ബി.ടെക്  മെക്കാനിക്കല്‍, ഇലക്ട്രിക്കല്‍, ഇലക്ട്രോണിക്‌സ്, പ്രൊഡക്ഷന്‍, ഇന്‍സ്ട്രുമെന്റേഷന്‍, ഐ.ടി, കെമിക്കല്‍ മെറ്റലര്‍ജി, എയ്‌റോസ്‌പേസ് എന്‍ജിനിയറിങ് എന്നിവയാണ് യോഗ്യത. ഓണ്‍ലൈനായാണ് അപേക്ഷ സമര്‍പ്പിക്കേണ്ടത്. ഇതിനായി www.joinindiannavy.gov.in എന്ന വെബ്‌സൈറ്റ് സന്ദര്‍ശിക്കുക.
ഓണ്‍ലൈനില്‍ അപേക്ഷിക്കാവുന്ന അവസാന തിയതി: സെപ്റ്റംബര്‍ 30