പഴയങ്ങാടി.  എസ്.ബി.ടി ശാഖക്ക് സമീപം പ്രവര്‍ത്തിക്കുന്ന  ഇലക്ട്രിക്ക് ആന്റ്  സാനിറ്ററി ഉപകരങ്ങള്‍ വില്‍ക്കുന്ന കടയില്‍ മോഷണശ്രമം. ഇന്നലെ രാവിലെ കടതുറക്കാനെത്തിയപ്പോഴാണ്  സംഭവം ശ്രദ്ധയില്‍പെടുന്നത്. മേശവലിപ്പില്‍ നിന്ന് ഫയലുകളും മറ്റും വാരിവലിച്ചിട്ട നിലയിലായിരുന്നു. എന്നാല്‍ സാധനങ്ങളൊന്നും  നഷ്ടപെട്ടിട്ടില്ല. അടുത്തിലയിലെ  ടി.ടി ഇബ്രാഹിമിന്റെ ഉടമസ്ഥതയിലുള്ള ട്രേഡ് ഹൗസ് എന്ന കടയിലാണ് മോഷണശ്രമം നടന്നത്. കെട്ടിടത്തിന്റെ  രണ്ടാം നിലയിലെ  ഗ്ലാസ് അടര്‍ത്തി മാറ്റിയാണ് മോഷ്ടാക്കള്‍ അകത്തുകടന്നതെന്ന് സംശയിക്കുന്നു. ഇതിനു സമീപത്തെ  നിര്‍മാണത്തിലിരിക്കുന്ന  കെട്ടിടത്തിനു സമീപത്തായി  ഗ്ലാസ് തകര്‍ക്കാന്‍ ഉപയോഗിച്ച  കവര്‍ച്ചാ സാമഗ്രികളും കണ്ടെടുത്തിട്ടുണ്ട്. സി.സി ടി.വി സ്ഥാപിച്ചിട്ടുണ്ടെങ്കിലും രാത്രി കടയടക്കുമ്പോള്‍  ഇത് ഓഫാക്കുകയാണ് പതിവെന്ന് പറയുന്നു. പഴയങ്ങാടി പൊലിസ് സ്ഥലത്തെത്തി പരിശോധ നടത്തി.