തിരുവനന്തപുരം: വൈദ്യുതി ബില്‍  അടയ്ക്കാനായി എ.ടി.എം മോഡല്‍ കാഷ് ഡിപ്പോസിറ്റ് മെഷീന്‍ (സി.ഡി.എം) സംവിധാനം ഉടന്‍ നിലവില്‍വരുമെന്ന് വൈദ്യുതി മന്ത്രി കടകംപള്ളി സുരേന്ദ്രന്‍.
പത്രപ്രവര്‍ത്തക യൂനിയന്‍ ജില്ലാ കമ്മിറ്റി സംഘടിപ്പിച്ച മുഖാമുഖം പരിപാടിയില്‍ സംസാരിക്കുകയായിരുന്നു മന്ത്രി. ഉപഭോക്താക്കളുടെ പരാതി രേഖപ്പെടുത്താന്‍ 1912 എന്ന ടോള്‍ ഫ്രീ നമ്പര്‍ ഏര്‍പ്പെടുത്തിയിട്ടുണ്ട്. കൂടാതെ 9496018367 എന്ന നമ്പറില്‍ വാട്‌സ്ആപ് സംവിധാനം തയാറായിട്ടുണ്ട്.
വൈദ്യുതി തടസങ്ങള്‍ മുന്‍കൂട്ടി അറിയിക്കാന്‍ എസ്.എം.എസ് സംവിധാനവും മൊബൈല്‍, ഇ- മെയില്‍ സംവിധാനവും ഏര്‍പ്പെടുത്തുമെന്നും മന്ത്രി അറിയിച്ചു.  
 വൈദ്യുതി കണക്ഷനുള്ള അപേക്ഷ ഓണ്‍ലൈന്‍ വഴിയാക്കുമെന്നും മന്ത്രി പറഞ്ഞു.