പൊന്നാനി: വിദ്യാഭ്യാസ രംഗത്തു സമഗ്ര പുരോഗതി ലക്ഷ്യംവച്ചു പൊന്നാനി നഗരസഭ സ്ലേറ്റും പെന്‍സിലും പദ്ധതിക്കു രൂപംനല്‍കി. നിവേദിത എന്ന ബാലികയ്ക്കു ആദ്യാക്ഷരമെഴുതി സ്പീക്കര്‍ പി. ശ്രീരാമകൃഷ്ണന്‍ ഉദ്ഘാടനം ചെയ്തു.
പൊന്നാനി  നഗരസഭയിലെ  സര്‍ക്കാര്‍, എയ്ഡഡ് വിദ്യാലയങ്ങളിലെ പഠനനിലവാരം മെച്ചപ്പെടുത്തുന്നതിനാണ് പദ്ധതി.
പ്രാഥമിക വിദ്യാലയത്തില്‍നിന്നു യു.പി ക്ലാസുകളിലേക്കു പ്രവേശിക്കുമ്പോഴേക്കും ഭാഷ, ഗണിതം, ഇംഗ്ലീഷ്, ശാസ്ത്രം എന്നീ വിഷയങ്ങളില്‍ വിദ്യാര്‍ഥികളെ മിടുക്കരാക്കുന്ന പദ്ധതിയാണ് പൊന്നാനി യു.ആര്‍.സിയുടെ സഹകരണത്തോടെ നടപ്പിലാക്കുന്നത്.