കൊച്ചി : റോഡ് സുരക്ഷ കരട് ബില്‍ തൊഴിലാളി ദ്രോഹമാണെന്ന് ഐ.എന്‍.ടി.യു.സി ജില്ലാ പ്രസിഡന്റ് കെ.കെ ഇബ്രാഹിംകുട്ടി. മോട്ടോര്‍ തൊഴിലാളി ഫെഡറേഷന്‍ (ഐ.എന്‍.ടി.യു.സി) ജില്ലാ സമ്മേളനം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
മോട്ടോര്‍ ഗതാഗത വകുപ്പില്‍ നിലവിലുള്ള സംവിധാനങ്ങള്‍ ഇല്ലാതാക്കുന്നതാണ് ഈ നിയമമെന്നും അദ്ദേഹം പറഞ്ഞു. ഐ.എന്‍.ടി.യു.സി ഭവനില്‍ നടന്ന ചടങ്ങില്‍ ഫെഡറേഷന്‍ ജില്ലാപ്രസിഡന്റ് പി.ടി പോള്‍ അധ്യക്ഷത വഹിച്ചു.
സംസ്ഥാന പ്രസിഡന്റ് ഇ നാരയണന്‍ നായര്‍ മുഖ്യപ്രഭാഷണം നടത്തി.
ഐ.എന്‍.ടി.യു.സി ജില്ലാ ഭാരവാഹികളായ എന്‍.എം അമീര്‍, വൈക്കം നസീര്‍, ബിജു മലയില്‍, ഷീബ സാമുവല്‍, സംസ്ഥാന കമ്മിറ്റിയംഗങ്ങളായ കെ.എം ഉമ്മര്‍, എ.വി അരുണ്‍ കുമാര്‍, ജീമോന്‍ കയ്യാല, ടി.പി ജോര്‍ജ്ജ്, എ.എല്‍ സക്കീര്‍ ഹുസൈന്‍, എം.സി ഷൈജു, വി.സി പത്രോസ്, സതീശന്‍ കൊച്ചി, എം ജോര്‍ജ്ജ്, സി.സി ബിജു എന്നിവര്‍ ചടങ്ങില്‍ സംസാരിച്ചു.