പട്‌ന: ബിഹാറില്‍ റെയില്‍വേ രക്ഷാ സേന (ആര്‍.പി.എഫ്) ജവാന്‍ ട്രെയിനില്‍ വെടിയേറ്റു മരിച്ചു. വെടിയേറ്റ മറ്റൊരു ജവാനെ ഗുരുതരമായ പരുക്കുകളോടെ ആശുപത്രിയില്‍ പ്രവേശിപ്പിച്ചു. അഞ്ജാതരായ ആറു പേര്‍ ചേര്‍ന്നാണ് വെടിവച്ചതെന്നാണ് റിപ്പോര്‍ട്ട്.

മുഗള്‍ സാരായ്- ബക്‌സര്‍ പാസഞ്ചര്‍ ട്രെയിനിലാണ് സംഭവം. അഭിഷേക് സിങ് എന്ന ജവാനാണ് കൊല്ലപ്പെട്ടത്. നന്ദ്‌ലാല്‍ യാദവ് എന്ന ജവാനെ പരുക്കുകളോടെ ഉത്തര്‍പ്രദേശിലെ വാരണാസി ആശുപത്രിയില്‍ പ്രവേശിപ്പിച്ചിരിക്കുകയാണ്.