പേരാമ്പ്ര:  കാര്‍ കുളത്തിലേക്ക് മറിഞ്ഞ് യുവാവ് മരിച്ചു. പുറ്റംപൊയില്‍ നരിമഞ്ചക്കല്‍ ജിബിന്‍ ജിജോ (32) ആണ് മരിച്ചത്. ഇന്നലെ രാവിലെ 10.30 ഓടെയാണ് അപകടമുണ്ടായത്. ബംഗ്ലൂരുവില്‍ ആയുര്‍വേദ തെറാപ്പിസ്റ്റായ ജിബിന്‍ രണ്ട് മാസമായി നാട്ടിലായിരുന്നു. തറവാട് വീട്ടില്‍ നിന്നും കാറുമായി സ്വന്തം വീട്ടിലേക്ക് പോകുമ്പോള്‍ കണ്ണിപ്പൊയില്‍ വടക്കേടത്ത് താഴറോഡിലാണ് അപകടമുണ്ടായത്. റോഡിന് സമീപത്തെ കുളത്തില്‍ കാര്‍ മുങ്ങിപ്പോയതിനാല്‍ ശ്വാസം മുട്ടി മരിച്ചുവെന്നാണ് കരുതുന്നത്.
പേരാമ്പ്രയില്‍ നിന്നും ഫയര്‍ഫോഴ്‌സ് എത്തിയാണ് കാറും മൃതദേഹവും പുറത്തെടുത്തത്. ' നൊച്ചിപ്പൊയില്‍ ഗംഗാധരന്റെയും സുമതിയുടെയും മകനാണ്. ഭാര്യ. രസ്‌ന (മരുതേരി) സഹോദരി.ജി ജി. സംസ്‌കാരം ഇന്ന് പതിനൊന്ന് മണിയോടെ വീട്ടുവളപ്പില്‍ നടക്കും.