മൂന്നാര്‍: കെ.എസ്.ആര്‍.ടി.സി ബസ് ഓട്ടോയില്‍ ഇടിച്ചു. വിദേശികള്‍ അത്ഭുതകരമായി രക്ഷപ്പെട്ടു. മൂന്നാറില്‍ നിന്നും എറണാകുളത്തേക്ക് യാത്രക്കാരുമായി പുറപ്പെട്ട കെ.എസ്.ആര്‍.ടി.സിയാണ് ഓട്ടോയെ ഇടിച്ച് തെറിപ്പിച്ചത്.
മൂന്നാര്‍ പോസ്‌റ്റോഫീസ് കവലയില്‍വെച്ചാണ് അപകടമുണ്ടായത്. കെ.എസ്.ആര്‍.ടി.സി യാത്രക്കാരുമായി പുറപ്പെടവെ ബസ്സിനെ മറികടക്കാനെത്തിയ ഓട്ടോയെ മറ്റൊരു ബസിന്റെ മുന്നിലേക്ക് ഇടിച്ചുതെറുപ്പിക്കുകയായിരുന്നു. തലകീഴായിവീണ ഓട്ടോയില്‍ നിന്നും വിദേശികള്‍ അത്ഭുതകരമായാണ് രക്ഷപ്പെട്ടത്.
യു.കെയില്‍ നിന്നും മൂന്നാര്‍ സന്ദര്‍ശനത്തിനെത്തിയ വിദേശികളാണ് ഓട്ടോയില്‍ ഉണ്ടായിരുന്നത്. സംഭവത്തെ തുടര്‍ന്ന് ഡ്രൈവര്‍ ബസില്‍ നിന്നും ഇറങ്ങിയോടി. മൂന്നാര്‍ പൊലിസെത്തിയാണ് റോഡില്‍കിടന്ന ബസ് എടുത്തുമാറ്റിയത്.