വള്ളിക്കുന്ന്: ആടിനെ വളര്‍ത്തി ഉപജീവനം നടത്തുന്ന വീട്ടമ്മയുടെ അഞ്ച് ആടുകളെ നായകള്‍ കടിച്ചുകൊന്നു. ഒരാഴ്ചയ്ക്കുള്ളിലാണു അഞ്ച് ആടുകളെ നഷ്ടപ്പെടുന്നത്. കൊടക്കാട് പള്ളിയാളി കദിയുമ്മയുടെ ആടുകളാണ് പല ദിവസങ്ങളിലായി കടിച്ചുകൊന്നത്. ഭര്‍ത്താവില്ലാത്ത കദിയുമ്മയുടെ ഏക വരുമാന മാര്‍ഗമായിരുന്നു ആടുകള്‍. നായകള്‍ കൂട്ടം കൂടി അക്രമിക്കുന്നതിനാല്‍ രക്ഷപ്പെടുത്താന്‍ ആളുകള്‍ ഭയപ്പെടുന്നു.