കോഴിക്കോട്: ജില്ലാ ഫുട്‌ബോള്‍ അസോസിയേഷന്റെ ആഭിമുഖ്യത്തില്‍ നടക്കുന്ന ജില്ലാ ബി ഡിവിഷന്‍ ഫുട്‌ബോള്‍ ചാംപ്യന്‍ഷിപ്പില്‍ ക്വാര്‍ട്‌സ് സോക്കര്‍ ജേതാക്കളായി.
മത്സരത്തിന്റെ നിശ്ചിതസമയത്ത് ഇരുടീമുകളും ഗോള്‍രഹിത സമനില പാലിച്ചതിനെ തുടര്‍ന്ന് നടന്ന ടൈബ്രേക്കറിലും നാലു വീതം ഗോളുകള്‍ നേടിയതിനാല്‍ സഡന്‍ഡത്തിലാണ് ക്വാര്‍ട്‌സ് സോക്കര്‍ വിജയികളായത്.
ക്വാര്‍ട്‌സിന്റെ മദന്‍ മികച്ച കളിക്കാരനായി. വിജയികള്‍ക്ക് സി.വി നാരായണ അയ്യര്‍ മെമ്മോറിയല്‍ ട്രോഫിയും വ്യക്തിഗത മെഡലും രണ്ടാംസ്ഥാനക്കാര്‍ക്കുള്ള യൂനിവേഴ്‌സല്‍ ആലിക്കോയ മെമ്മോറിയല്‍ ട്രോഫിയും കെ.ഡി.എഫ്.എ വൈസ് പ്രസിഡന്റ് വി. രവീന്ദ്രന്‍ സമ്മാനിച്ചു. സീനിയര്‍ വൈസ് പ്രസിഡന്റ് ഇ. കുട്ടിശങ്കരന്‍ അധ്യക്ഷനായി. സെക്രട്ടറി പി. ഹരിദാസ്, ജോയിന്റ് സെക്രട്ടറി പി.സി കൃഷ്ണകുമാര്‍, കെ.പി മമ്മദ് കോയ പ്രസംഗിച്ചു.