തൃപ്പൂണിത്തുറ: തൃപ്പൂണിത്തുറ ഉപജില്ലാ സ്‌കൂള്‍ കലോത്സവം ഇന്ന് രാവിലെ പത്തു മുതല്‍ രചനാ മത്സരങ്ങളോടെ  തൃപ്പൂണിത്തുറ സംസ്‌കൃതം ഹയര്‍ സെക്കന്‍ഡറി സ്‌കൂളില്‍  ആരംഭിക്കും.
ചെണ്ട, തായമ്പക, ബാന്‍ഡ്‌മേളം മത്സരങ്ങളും ചില സ്റ്റേജ് ഇനങ്ങളും നടക്കും. ഹയര്‍ സെക്കണ്ടറി സ്‌കൂളിലെ വിവിധ ക്ലാസ് മുറികളും ലായം കൂത്തമ്പലം , സെന്റ് ജോസഫ് യു .പി. സ്‌കൂള്‍, ഗവ.ഗേള്‍സ് ഹൈസ്‌കൂള്‍ , പാലസ് സ്‌കൂള്‍, സംസ്‌കൃത കോളേജ് ഓഡിറ്റോറിയം എന്നിവിടങ്ങളില്‍ മത്സരങ്ങള്‍ അരങ്ങേറും.
തിങ്കളാഴ്ച രാവിലെ ഒമ്പതിന് ഉപജില്ലാ വിദ്യാഭ്യാസ ഓഫിസര്‍ അജിത് പ്രസാദ് തമ്പി പതാക ഉയര്‍ത്തും. തുടര്‍ന്ന് സാംസ്‌കാരിക ഘോഷയാത്ര  സംസ്‌കൃതം ഹയര്‍ സെക്കന്‍ഡറി സ്‌കൂള്‍ കിഴക്കേ ഗ്രൗണ്ടില്‍ നിന്നും ആരംഭിക്കും.
തൃപ്പൂണിത്തുറ സര്‍ക്കിള്‍ ഇന്‍സ്‌പെക്ടര്‍ പി.എസ് ഷിജു ഘോഷയാത്ര ഫ്‌ളാഗ്ഓഫ് ചെയ്യും. സാംസ്‌കാരിക ഘോഷയാത്ര കിഴക്കേകോട്ട ജങ്ഷന്‍ ചുറ്റി സ്റ്റാച്യു കവലയില്‍ എത്തി ലായം റോഡ് വഴി സംസ്‌കൃത കോളേജ് ഓഡിറ്റോറിയത്തിന് മുന്നില്‍ എത്തും.
ഘോഷയാത്രയില്‍ നഗരസഭാ പരിധിയിലെ എല്ലാ വിദ്യാലയങ്ങളും പങ്കെടുക്കും.
തുടര്‍ന്ന് നടക്കുന്ന പൊതുസമ്മേളനം എം.സ്വരാജ് എം.എല്‍.എ ഉത്ഘാടനം ചെയ്യും. എം.എല്‍.എമാരായ അനൂപ് ജേക്കബ്, പി.ടി തോമസ്, മേയര്‍ സൗമിനി ജെയിന്‍, ബ്ലോക് പഞ്ചായത്തു പ്രസിഡണ്ട് ജയാ സോമന്‍ എന്നിവര്‍ സംസാരിക്കും. നാല് ദിവസത്തെ കലോത്സവം 23ന് സമാപിക്കും. ജില്ലാ പഞ്ചായത്തു പ്രസിഡന്റ് ആശ സനില്‍ സമാപന സമ്മേളനം ഉദ്്ഘാടനം ചെയ്യും.
ബസ് യാത്രക്കാരന്റെ