പാലക്കാട്:  ഏകീകൃത വ്യക്തിനിയമത്തേയും മുത്വലാഖ് വിഷയത്തേയും തമ്മില്‍ കൂട്ടിക്കുഴയ്ക്കരുതെന്ന് കേരളാ മുസ്ലീം കോണ്‍ഫറന്‍സ് ജില്ലാ കമ്മിറ്റി അഭിപ്രായപ്പെട്ടു. ഇന്ത്യന്‍ ഭരണഘടന മനുഷ്യനിര്‍മിതമാണ്. അത് മാറ്റിമറിക്കാവുന്നതാണ്. അതേ സമയം ലോക മുസ്ലീം വിശ്വാസികളുടെ ഭരണഘടനയായ വിശുദ്ധ ഖുര്‍ആന്‍ ദൈവീകമാണ്. ഇന്ത്യന്‍ ഭരണഘടനക്ക് ഇന്ത്യയിലെ മുസ്ലീംകള്‍ക്ക് ബാധകം 1937 ലെ ശരീഅത്ത് ആപ്ലിക്കേഷന്‍ നിയമമാണ്.
മതസ്വാതന്ത്ര്യം, സംസ്‌കാരം, ആചാരം എന്നിവ ഭരണഘടനയുടെ 25-ാം അനുഛേദം രാജ്യത്ത് പൗരന്മാര്‍ക്ക് ഉറപ്പു നല്‍കുന്ന മൗലികാവകാശമാണ്. മൗലികാവകാശങ്ങള്‍ നിഷേധിക്കുന്നതിന് ഭരണകൂടങ്ങള്‍ക്കോ കോടതികള്‍ക്കോ അധികാരമില്ലെന്നും, യോഗം ചൂണ്ടിക്കാട്ടി.
എ.കെ.സുല്‍ത്താന്‍ അധ്യക്ഷനായി. ജെ. ബഷീര്‍ അഹമ്മദ്, സി. മുഹമ്മദലി, കെ.എം. ജാഫര്‍ ഷെറീഫ്, എം.എ. ലത്തീഫ്, കെ.എ. സുലൈമാന്‍, മുഹമ്മദ് റാഫി, ഷക്കീര്‍ അഹമ്മദ്, കെ. ഇസ്മായില്‍ പ്രസംഗിച്ചു.