കൊച്ചി: മൊബൈല്‍ ഫോണ്‍ കണക്ഷനു വേണ്ടി നല്‍കുന്ന ആധാര്‍ രേഖയില്‍ നിന്ന് ബയോമെട്രിക്് വിവരങ്ങള്‍ ശേഖരിക്കാന്‍ റിലയന്‍സ് ജിയോയ്ക്ക് അനുമതി നല്‍കിയതിനെതിരേ യൂത്ത് കോണ്‍ഗ്രസ് സംസ്ഥാന ജനറല്‍ സെക്രട്ടറി ടി.ജി സുനില്‍ ഹൈക്കോടതിയില്‍ ഹരജി നല്‍കി. മൊബൈല്‍ കണക്ഷനു വേണ്ടി ആധാര്‍ രേഖ നല്‍കുമ്പോള്‍ റിലയന്‍സ് അധികൃതര്‍ ശേഖരിക്കുന്ന ബയോമെട്രിക് വിവരങ്ങള്‍ ദുരുപയോഗം ചെയ്യാന്‍ സാധ്യതയുണ്ടെന്നും റിലയന്‍സിന് ഇതിനുള്ള അനുമതി യുണീക് ഐഡന്റിഫിക്കേഷന്‍ അതോറിറ്റി ഓഫ് ഇന്ത്യ നല്‍കിയത് നിയമവിരുദ്ധമാണെന്നും ഹരജിയില്‍ ചൂണ്ടിക്കാട്ടുന്നു.
ഇത്തരം സ്വകാര്യ കമ്പനികള്‍ വ്യക്തിപരമായ വിവരങ്ങള്‍ ഏതൊക്കെ തരത്തില്‍ ദുരുപയോഗം ചെയ്യുമെന്ന് പറയാനാവില്ലെന്നും ഹരജിയില്‍ പറയുന്നു.