കോവളം: സോഷ്യലിസ്റ്റ് നേതാവും മുന്‍ എം.പിയുമായ  പി.വിശ്വംഭരന് ആയിരങ്ങള്‍ യാത്രമൊഴിയേകി.ഇന്നലെ വൈകുന്നേരം നാലുമണിയോടെ വീട്ടുവളപ്പിലാണ്  സംസ്‌കാര ചടങ്ങുകള്‍ നടന്നത്.
മന്ത്രിമാരായ മാത്യൂ ടി.തോമസ്, കടകംപള്ളി സുരേന്ദ്രന്‍ എന്നിവരുടെ നേതൃത്വത്തില്‍ ഔദ്യോഗിക ബഹുമതികളോടെയായിരുന്നു സംസ്‌കാരം. കേരള പൊലിസ് ഗാര്‍ഡ് ഓഫ് ഓണര്‍ നല്‍കി.അനുജന്റെ മകന്‍ അനില്‍കുമാര്‍ ചിതയ്ക്ക് തീ കൊളുത്തി.
നേരത്തേ ശശി തരൂര്‍ എം.പി, എം.എല്‍.എ മാരായ സി.ദിവാകരന്‍, കെ.കൃഷ്ണന്‍കുട്ടി, സി, കെ.നാണു, മുന്‍ മന്ത്രിമാരായ ഡോ.എ. നീലലോഹിതദാസന്‍ നാടാര്‍, എം ആര്‍.രഘു ചന്ദ്രബാല്‍, എം. വിജയകുമാര്‍, കെ. ശങ്കരനാരായണന്‍, തമ്പാന്‍ തോമസ്, മുന്‍ സ്പീക്കര്‍ എന്‍. ശക്തന്‍ നാടാര്‍, ജമീലാ പ്രകാശം, നെയ്യാറ്റിന്‍കര സനല്‍, ചാരുപാറ രവി, തമ്പാനൂര്‍ രവി. മേയര്‍ പ്രശാന്ത് ഉള്‍പ്പെടെയുള്ളവര്‍ വെള്ളാറിലെ വസതിയിലെത്തി  അന്തിമോപചാരമപ്പിച്ചു.  മുന്‍മുഖ്യമന്ത്രി ഉമ്മന്‍ചാണ്ടിക്ക് വേണ്ടി കോവളം എം.എല്‍. എ എം. വിന്‍സെന്റ്   റീത്ത് സമര്‍പ്പിച്ചു. മരണശേഷം തന്റെ മൃതദേഹം പുറത്ത് പൊതുദര്‍ശനത്തിന് വെയ്ക്കരുതെന്ന വിശ്വംഭരന്റെ ആഗ്രഹം നടപ്പിലാക്കിയതിനാല്‍ വീടിനുള്ളില്‍ മാത്രമായിരുന്നു അന്ത്യാഞ്ജലി അര്‍പ്പിക്കാന്‍ അവസരമുണ്ടായിരുന്നത്.