ന്യൂഡല്‍ഹി: ഡല്‍ഹിയില്‍ കനത്തമൂടല്‍മഞ്ഞ് ട്രെയിന്‍-വിമാനസര്‍വീസുകളെ ബാധിച്ചു. 12 ട്രെയിനുകള്‍ റദ്ദാക്കി. 23 ട്രെയിനുകളുടെ സമയം പുനഃക്രമീകരിച്ചു, 82 ട്രെയിനുകള്‍ വൈകി ഓടുന്നു. അതു പോലെ ഇന്ദിരാഗാന്ധി വിമാനത്താവളത്തിലെ സര്‍വീസുകളും റദ്ദാക്കി. ഇവിടുത്തെ മൂന്ന് അന്താരാഷ്ട്ര വിമാനങ്ങളും രണ്ട് ആഭ്യന്തര വിമാന സര്‍വീസുകളും റദ്ദാക്കി. അഞ്ച് അന്താരാഷ്ട്ര സര്‍വീസുകളും എട്ട് ആഭ്യന്തരസര്‍വീസുകളും വൈകി.

അതുപോലെ തന്നെ റോഡ് ഗതാഗതത്തിനും മൂടല്‍മഞ്ഞ് തടസം സൃഷ്ടിച്ചിട്ടുണ്ട്. യു.പിയിലെ കാണ്‍പൂര്‍ അടക്കമുള്ള സ്ഥലങ്ങളില്‍ കൊടുംതണുപ്പാണ് അനുഭവപ്പെടുന്നത്.