തുറവൂര്‍: സ്വകാര്യബസുകളുടെ മല്‍സരയോട്ടം ജനങ്ങളുടെ ജീവന് ഭീഷണിയായി.തുറവൂര്‍-ചാവടി - എഴുപുന്ന, കുമ്പളങ്ങി റോഡിലൂടെ സര്‍വീസ് നടത്തുന്ന സ്വകാര്യ ബസുകളാണ് മല്‍സര പ്പാച്ചില്‍ നടത്തുന്നത്.
ദിനംപ്രതി ഇരുനൂറില്‍പ്പരം വാഹനങ്ങളും ആയിരക്കണക്കിന് ആളുകളുമാണ് ഈ റോഡ് വഴിയാത്ര ചെയ്യുന്നത്. ഈ റോഡിന്റെ സമീപങ്ങളിലാണ് പ റ യ കാട് ഗവ.യു.പി.സ്‌കൂള്‍, എഴുപുന്ന തെക്ക് ചങ്ങരംഗവ.യു.പി.സ്‌കൂള്‍, എഴുപുന്നസെന്റ് റാഫേല്‍ സ് ഹയര്‍ സെക്കന്‍ഡറി സ്‌കൂള്‍, തുറവൂര്‍ ഗവ.എല്‍.പി.സ്‌കൂകൂള്‍, തുറവൂര്‍ റ്റി.ഡി.റ്റി.റ്റി.ഐ, തുറവൂര്‍ റ്റി.ഡി.ഹയര്‍ സെക്കന്‍ഡറി സ്‌കൂള്‍ എന്നിവയും ചാവടി, വല്ലത്തോട്, എഴുപുന്ന മാര്‍ക്കറ്റുകളും ഒമ്പത് പീലിങ് ഷെഡുകളും ഈ റോഡിന്റെ സമീപത്താണ് സ്ഥിതി ചെയ്യുന്നത്.രാവിലെയും വൈകുന്നേരവും സ്‌കൂള്‍ വിദ്യാര്‍ത്ഥികളും പീലിങ് തൊഴിലാളികളും മാര്‍ക്കറ്റില്‍ പോകുന്നവരും കച്ചവട സ്ഥാപനങ്ങളില്‍ പോകുന്നവരുമുള്‍പ്പെടെ വന്‍ തിരക്കാണ് റോഡില്‍ കാണപ്പെടുന്നത്.
ഈസമയങ്ങളിലെ സ്വകാര്യ ബസുകളുടെ മല്‍സരയോട്ടം ഏറെ അപകടങ്ങള്‍ വ.രുത്തി വയ്ക്കുകയാണ് ചെയ്യുന്നത്. യാത്രക്കാര്‍ ജീവന്‍ പണയം വെച്ചാണ് ബസുകളിലും റോഡിലൂടെയും മറ്റും സഞ്ചരിച്ചു വരുന്നത്. യാത്രക്കാരെ കൃത്യ സ്ഥലത്തുള്ള സ്റ്റോപ്പുകളില്‍ ഇറക്കാതെ ചിലയിടങ്ങളില്‍ വലിച്ചിറക്കി ബെല്ലടിച്ച് ബസ് വിടുകയാണ് സ്വകാര്യ ബസ്വി ജീവനക്കാരുടെ പതിവ്.രാവിലെയും വൈകുന്നേരവും ചില സമയങ്ങളില്‍ ഒരേ സമയം നാല് ബസുകളാണ് ഇവിടെ ചീറിപ്പായുന്നത്.
ഇനിയെങ്കിലുംസ്വകാര്യ ബസുകളുടെ മല്‍സരയോട്ടം നീയന്ത്രിക്കാന്‍ കര്‍ശന നടപടികള്‍ സ്വീകരിക്കണമെന്ന ജനകീയാവശ്യം ശക്തമായി.