തിരൂരങ്ങാടി: ഫൈസല്‍വധക്കേസ് അന്വേഷണത്തില്‍ പൊലിസ്-ആര്‍.എസ്.എസ് ഒത്തുകളി അവസാനിപ്പിക്കണമെന്നും മുഴുവന്‍ പ്രതികളെയും ഉടന്‍ അറസ്റ്റ് ചെയ്യണമെന്നുമാവശ്യപ്പെട്ട് നന്നമ്പ്ര പഞ്ചായത്ത് മുസ്‌ലിം യൂത്ത് ലീഗ് കമ്മിറ്റി ഇന്ന് രാവിലെ ഒന്‍പത് മുതല്‍ അഞ്ചുവരെ തിരൂരങ്ങാടി പൊലിസ് സ്റ്റേഷന് മുന്നില്‍ ഉപവാസ സമരം നടത്തും.
മുസ്‌ലിം യൂത്ത് ലീഗ് സംസ്ഥാന പ്രസിഡന്റ് പാണക്കാട് സയ്യിദ് മുനവ്വറലി ശിഹാബ് തങ്ങള്‍ ഉദ്ഘാടനം ചെയ്യും. മുസ്‌ലിംലീഗ് സംസ്ഥാന ജനറല്‍ സെക്രട്ടറി കെ.പി.എ മജീദ്, എം.എല്‍.എമാരായ പി.കെ അബ്ദുറബ്ബ്, പി അബ്ദുല്‍ ഹമീദ് മാസ്റ്റര്‍, അഡ്വ. എന്‍ ഷംസുദ്ദീന്‍, മുസ്‌ലിം ലീഗ് ജില്ലാ ജനറല്‍ സെക്രട്ടറി അഡ്വ. കെ.എന്‍.എ ഖാദര്‍, അഡ്വ. പി.എം.എ സലാം, പി.കെ ഫിറോസ്, എ.പി ഉണ്ണികൃഷ്ണന്‍, സമദ്, അന്‍വര്‍ മുള്ളമ്പാറ, നജീബ് കാടേരി, നൗഷാദ് മണ്ണിശ്ശേരി മറ്റു സംസ്ഥാന ജില്ലാതല നേതാക്കളും സംബന്ധിക്കും.