കുമളി: അയ്യപ്പഭക്തരുടെ തിരക്കിന്റെ മറവില്‍ നികുതി വെട്ടിച്ച് തമിഴ്‌നാട്ടിലേക്ക് കടത്താന്‍ ശ്രമിച്ച 240 കിലോ ഏലക്കാ വാണിജ്യനികുതി വകുപ്പ് ഇന്റലിജന്‍സ് സ്‌ക്വാഡ് പിടികൂടി.
ഒരുലക്ഷം രൂപാ നികുതിയും പിഴയും ഈടാക്കി. ഇന്നലെ രാവിലെ കുമളി ബസ്റ്റാന്റിനുസമിപത്തു വെച്ചാണ് വാഹനത്തില്‍ കടത്തുകയായിരുന്ന ഏലക്കാ പിടികൂടിയത്.
വാണിജ്യനികുതി വകുപ്പ് അസി. കമ്മിഷണര്‍ സി.പി. മക്കാറിന്റെ നിര്‍ദ്ദേശപ്രകാരം നടത്തിയ പരിശോധനയിലാണ് ഏലക്കാ പിടിച്ചത്. ഇന്റലിജന്‍സ് ഓഫിസര്‍ സന്തോഷ് കുമാര്‍, പത്മഭാസ് എന്നിവര്‍ നടപടികള്‍ക്ക് നേതൃത്വം നല്‍കി.