ജിദ്ദ: സഊദി വനിതകള്‍ക്ക് സ്വതന്ത്രമായി സഞ്ചരിക്കുന്നതിനുള്ള പാസ്‌പോര്‍ട്ട് അനുവദിക്കാന്‍ നീക്കം. ഇത് സംബന്ധിച്ച് ശൂറാകൗണ്‍സിലിലെ അഞ്ച് വനിതാ അംഗങ്ങള്‍ സമര്‍പ്പിച്ച നിര്‍ദ്ദേശം കൗണ്‍സില്‍ അംഗീകരിച്ചു.

നിലവിലുള്ള നിയമപ്രകാരം പിതാവ്, ഭര്‍ത്താവ്, സഹോദരന്‍ എന്നിവരോടൊപ്പം യാത്ര ചെയ്യുന്നതിനുളള പാസ്സ്‌പോര്‍ട്ടാണ് സഊദി വനിതകള്‍ക്ക് അനുവദിക്കുന്നത്. ഈ നിയമത്തില്‍ ഭേദഗതി വരുത്തണമെന്നാവശ്യപ്പെട്ട് കഴിഞ്ഞ മെയ് മാസത്തില്‍ ശൂറാ കൗണ്‍സില്‍ അംഗങ്ങളായ ഹായ് അല്‍ മുവൈന, ലത്തീഫ അല്‍ ഷാലന്‍, മുഹമ്മദ് അല്‍ ഖ്‌നൈസി, അതാ അല്‍ സാബിത്, ഹംദ അല്‍ എനസി തുടങ്ങിയവര്‍ നിര്‍ദ്ദേശം മുന്നോട്ട് വെച്ചിരുന്നു.

് ഈ കാര്‍ഡ് നിയമം പ്രാബല്യത്തില്‍ വരുന്നതോടെ വനിതകള്‍ക്ക് സ്വന്തം പാസ്‌പോര്‍ട്ട് ലഭിക്കും. മാത്രമല്ല 18 വയസു പൂര്‍ത്തിയായ വനിതകള്‍ക്ക് ആശ്രിതരുടെ അനുമതിയില്ലാതെ പാസ്‌പോര്‍ട്ടിന് അപേക്ഷ സമര്‍പ്പിക്കുകയും ചെയ്യാം. ഇതിനായി ട്രാവല്‍ ഡോക്യുമെന്റ് നിയമത്തിലെ മൂന്ന് ആര്‍ട്ടിക്കിളുകള്‍ ഭേദഗതി വരുത്തുന്നതിനുളള നിര്‍ദേശമാണ് കഴിഞ്ഞ മെയ് മാസം വനിതാ കൗണ്‍സില്‍ അംഗങ്ങള്‍ സമര്‍പ്പിച്ചത്. അതേ സമയം സഊദി സുരക്ഷാ സമിതി അഡ്‌വൈസറി കൗണ്‍സില്‍ ഭേദഗതി നിര്‍ദേശത്തെ പിന്തുണച്ചിട്ടുണ്ട്.