കൊണ്ടോട്ടി: കരിപ്പൂര്‍ വിമാനത്താവളത്തില്‍ മൂന്ന് യാത്രക്കാരില്‍ നിന്നായി ആറുകിലോ കുങ്കുമപ്പൂവും 19 ലക്ഷത്തിന്റെ സ്വര്‍ണവും എയര്‍ കസ്റ്റംസ് വിഭാഗം പിടികൂടി. ഇന്നലെ രാവിലെ എയര്‍ഇന്ത്യ എക്‌സ്പ്രസ് വിമാനത്തില്‍ കരിപ്പൂരിലെത്തിയ കാസര്‍കോട് സ്വദേശി ഫറാസ് എന്ന യാത്രക്കാരനില്‍ നിന്നാണ് കുങ്കുമപ്പൂവ് പിടികൂടിയത്.ഗുണനിലവാരമുളള ഇറാനിയന്‍ കുങ്കുമപ്പൂവാണ് ഇയാളില്‍നിന്ന് കണ്ടെത്തിയത്. ഇതിന് 8.1 ലക്ഷം രൂപ വില ലഭിക്കും.
താമരശ്ശേരി സ്വദേശിയില്‍ നിന്ന് 465 ഗ്രാം സ്വര്‍ണവും മലപ്പുറം ചുള്ളിപ്പാറ സ്വദേശിയില്‍ നിന്ന് 150 ഗ്രാം സ്വര്‍ണവും പിടികൂടി. ഈത്തപ്പഴത്തിനകത്താണ് താമരശ്ശേരി സ്വദേശി സ്വര്‍ണം ഒളിപ്പിച്ചത്.