കോഴിക്കോട്: പള്ളിദര്‍സുകള്‍ പുനഃസ്ഥാപിക്കാനും മതസ്ഥാപനങ്ങള്‍ക്ക് ഭീഷണിയായ ജെ.ജെ ആക്ടിനെതിരേ പ്രതികരിക്കാനും സമസ്ത കേരള ജംഇയ്യത്തുല്‍ ഉലമാ എടുത്ത തീരുമാനത്തെ ബാഖവി മജ്‌ലിസുല്‍ ഉലമാ സ്വാഗതം ചെയ്തു.
ഇ. അഹമ്മദ്, മുണ്ടംപറമ്പ് ആലിക്കുട്ടി ബാഖവി, അഹമ്മദ് തെര്‍ളായിയുടെ പിതാവ് അബ്ദുല്ല ഹാജി എന്നിവര്‍ക്കു വേണ്ടി പ്രത്യേക പ്രാര്‍ഥന നടത്തി.
എ.കെ യൂസുഫ് ബാഖവി അധ്യക്ഷനായി. യു.കെ അബ്ദുല്‍ ലത്തീഫ് ബാഖവി ഉദ്ഘാടനം ചെയ്തു. ആനമങ്ങാട് അബ്ദുറഹ്്മാന്‍ മുസ്്‌ലിയാര്‍ പ്രാര്‍ഥനക്ക് നേതൃത്വം നല്‍കി. ഇബ്‌റാഹിം ബാഖവി മുണ്ടംപറമ്പ്, മുബാറക് ബാഖവി, ഡോ. അലി അസ്ഗര്‍ ബാഖവി, പി.ടി അബ്ദുല്ല ബാഖവി, പി.കെ അബ്ദുല്ല ബാഖവി, എം.കെ ഉമര്‍ ബാഖവി, മുഹമ്മദ് റഫീഖ് ബാഖവി കുടക് സംസാരിച്ചു.