കയ്പമംഗലം: കൂരിക്കുഴി പതിനെട്ടു മുറിയില്‍ യുവാവിനെ മൂന്നംഗ സംഘം മര്‍ദിച്ചതായി പരാതി.കൂരിക്കുഴി കിഴക്കേവളപ്പില്‍ അഷ്‌റഫിന്റെ മകന്‍ നൗഫലിനാണ് മര്‍ദനമേറ്റത്. ഇയാളെ ഇരിങ്ങാലക്കുട സഹകരണ ആശുപത്രിയില്‍ പ്രവേശിപ്പിച്ചു. കഴിഞ്ഞ ദിവസം രാത്രി എട്ടരയോടു കൂടിയായിരുന്നു സംഭവം. നമസ്‌ക്കാരത്തിനായി പള്ളിയിലേക്ക് പോയ നൗഫലിനെ വഴിയില്‍ തടഞ്ഞു നിര്‍ത്തി മര്‍ദിക്കുകയായിരുന്നു. പ്രതികളില്‍ ഒരാളുടെ വിവാഹം നൗഫല്‍ മുടക്കാന്‍ ശ്രമിച്ചെന്നാരോപിച്ചായിരു മര്‍ദനം. വടി കൊണ്ടും കരിങ്കല്ല് കൊണ്ടുമുള്ള അടിയേറ്റ് നൗഫലിന് സാരമായി പരിക്കേറ്റിട്ടുണ്ട്. ആക്രമണത്തില്‍ പരുക്കേറ്റ നൗഫലിനെ ആദ്യം പെരിഞ്ഞനം സാമൂഹികാരോഗ്യ കേന്ദ്രത്തില്‍ പ്രവേശിപ്പിച്ചെങ്കിലും പരുക്ക് ഗുരുതരമായതിനാല്‍ ഇരിങ്ങാലക്കുട സഹകരണാശുപതിയിലേക്ക് മാറ്റുകയായിരുന്നു. സംഭവവുമായി ബന്ധപ്പെട്ട് മൂന്നു പേര്‍ക്കെതിരെ മതിലകം പൊലിസ് കേസെടുത്തു.