ന്യൂഡല്‍ഹി: കര്‍ണി സേനയുടെ ഭീഷണിയെത്തുടര്‍ന്ന് ജയ്പൂര്‍ സാഹിത്യോത്സവത്തില്‍ നിന്നു സെന്‍സര്‍ ബോര്‍ഡ് ചെയര്‍മാന്‍ പ്രസൂണ്‍ ജോഷി പിന്‍മാറി. ബോളിവുഡ് ചിത്രം പദ്മാവതിനെതിരേ തുടക്കംമുതല്‍ അക്രമാസക്ത സമരത്തിലുള്ള രജ്പുത് കര്‍ണിസേന, പ്രസൂണ്‍ ജോഷിയെ ജയ്പൂരില്‍ കാലുകുത്താന്‍ അനുവദിക്കില്ലെന്ന് ഭീഷണി മുഴക്കിയിരുന്നു. ഇതിനു പിന്നാലെയാണ് സാഹിത്യോല്‍സവത്തില്‍ നിന്ന് വിട്ടുനില്‍ക്കുന്നതായി അദ്ദേഹം അറിയിച്ചത്.