മക്ക: വിശുദ്ധ ഹറമിനു സമീപത്ത് ആരോഗ്യ വകുപ്പ് നടത്തിയ പരിശോധനയില്‍ മാനദണ്ഡങ്ങള്‍ പാലിക്കാത്ത നൂറോളം റെസ്റ്റോറന്റുകളും കഫ്തീരിയകളും അടപ്പിച്ചു. മക്ക നഗരസഭയ്ക്കു കീഴിലെ ആരോഗ്യ വകുപ്പ് അധികൃതരാണു പരിശോധന നടത്തിയത്.
തൊഴിലാളികള്‍ക്ക് ആരോഗ്യ സര്‍ട്ടിഫിക്കറ്റ് ഇല്ലാതിരിക്കല്‍, പ്രാണികളുടെ സാന്നിധ്യം, ഭക്ഷണം തയാറാക്കുന്ന സ്ഥലം ഉപയോക്താക്കള്‍ക്കു കാണാത്ത രീതിയില്‍ മറക്കല്‍ തുടങ്ങിയ നിയമലംഘനങ്ങളാണു കണ്ടെത്തിയത്. ഇത്തരത്തില്‍ 93 ഭക്ഷണശാലകളാണ് അടച്ചുപൂട്ടിയതെന്ന് മക്ക നഗരസഭ പരിസ്ഥിതി ആരോഗ്യ വകുപ്പ് മേധാവി മന്‍സൂര്‍ ബാല്‍ബൈദ് പറഞ്ഞു.