ന്യൂഡല്‍ഹി: ടൈംസ് ഓഫ് ഇന്ത്യയുടെ ഡല്‍ഹി ഓഫിസ് കെട്ടിടത്തില്‍ വന്‍ തീപിടിത്തം.ഇന്നലെ വൈകീട്ട് 4.45ഓടെയാണ് ബഹദൂര്‍ ഷാ സഫര്‍മാര്‍ഗിലെ അഞ്ചുനില കെട്ടിടത്തില്‍ തീപടര്‍ന്നത്. രണ്ടു വര്‍ഷത്തിനിടെ ഇത് രണ്ടാംതവണയാണ് ഇവിടെ തീപിടിത്തമുണ്ടാകുന്ന്ത്.

ഒന്നാംനിലയിലെ സര്‍വര്‍ റൂമില്‍നിന്നാണ് തീ പടര്‍ന്നതെന്നാണ് പ്രാഥമിക നിഗമനം. ഫയര്‍ഫോഴ്‌സിന്റെ 25 യൂണിറ്റുകള്‍ എത്തിയാണ് തീയണച്ചത്. സംഭവത്തില്‍ ആര്‍ക്കും പരുക്കേറ്റിട്ടില്ല.

കഴിഞ്ഞ വര്‍ഷം മേയിലും ഇവിടെ അഗ്നിബാധയുണ്ടായിരുന്നു. അന്ന് നാലാം നിലയിലാണ് തീപടര്‍ന്നത്.