അങ്കണം 30ാം വാര്‍ഷികാഘോഷവും സാഹിത്യ അവാര്‍ഡ് വിതരണവും നടത്തി

backup

March 05, 2017 | 7:52 PM

%e0%b4%85%e0%b4%99%e0%b5%8d%e0%b4%95%e0%b4%a3%e0%b4%82-30%e0%b4%be%e0%b4%82-%e0%b4%b5%e0%b4%be%e0%b4%b0%e0%b5%8d%e2%80%8d%e0%b4%b7%e0%b4%bf%e0%b4%95%e0%b4%be%e0%b4%98%e0%b5%8b%e0%b4%b7%e0%b4%b5

കോഴിക്കോട്: അങ്കണം സാംസ്‌കാരികവേദിയുടെ 30ാം വാര്‍ഷികാഘോഷവും 22ാം സാഹിത്യ അവാര്‍ഡ് വിതരണവും കോഴിക്കോട് കെ.പി കേശവമേനോന്‍ ഹാളില്‍ നടന്നു.
യുവ എഴുത്തുകാര്‍ക്കുള്ള അങ്കണം അവാര്‍ഡ് വി.എം ദേവദാസിന്റെ ശലഭ ജീവിതം എന്ന ചെറുകഥാ സമാഹാരത്തിനും ആര്യാഗോപിയുടെ അവസാനത്തെ മനുഷ്യന്‍ എന്ന കവിതാസമാഹാരത്തിനും ലഭിച്ചു.അവാര്‍ഡ് എ.കെ ആന്റണി എം.പി വിതരണം ചെയ്തു. ലഹരി ഉപയോഗവും സ്ത്രികള്‍ക്കെതിരേയുള്ള ആക്രമണവും വര്‍ധിക്കുന്നുവെന്നും നവോഥാന മുന്നേറ്റത്തിന്റെ ആവശ്യകത വര്‍ധിക്കുന്ന കാലഘട്ടമാണിതെന്നും അവാര്‍ഡ് ദാനത്തിനു ശേഷം ആന്റണി പറഞ്ഞു.
അക്ബര്‍ കക്കട്ടിലിന്റെ സ്മരണക്കായി അങ്കണം തയാറാക്കിയ പ്രണാമം കഥാസമാഹാരത്തിന്റെയും നസ്‌റി കുന്നമ്പറ്റ എഴുതിയ നാലാംവളവ് എന്ന കഥാസമാഹാരത്തിന്റെയും പ്രകാശനവും ചടങ്ങില്‍ നടന്നു.എം.കെ രാഘവന്‍ എം.പി മുഖ്യാതിഥിയായിരുന്നു. ബാലചന്ദ്രന്‍ വടക്കേടത്ത് ഡോ.പി.വി കൃഷ്ണന്‍ നായര്‍ എന്നിവര്‍ അവാര്‍ഡ് കൃതികള്‍ പരിചയപ്പെടുത്തി.
പ്രണാമം കഥാസമാഹാരത്തിന്റെ പ്രകാശനം ഡോ.എന്‍.പി ഹാഫിസ് മുഹമ്മദും, നാലാം വളവ് കഥാസമാഹാരത്തിന്റെ പ്രകാശനം മുന്‍ എം.എല്‍.എ ടി.വി ചന്ദ്രമോഹനും നിര്‍വഹിച്ചു. ആര്‍.ഐ ഷംസുദ്ദീന്‍, എന്‍.ശ്രീകുമാര്‍, വി.എം ദേവദാസ്, ആര്യാഗോപി സംസാരിച്ചു.

Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."