മുംബൈ: പബ്ജി മൊബൈല്‍ ഗെയിം നിരോധിക്കണമെന്നാവശ്യപ്പെട്ട് പതിനൊന്ന് വയസ്സുകാരന്‍ അഹ്മദ് നിസാം ബോംബെ ഹൈക്കോടതിയെ സമീപിച്ചു.

അമ്മയുടെ സഹായത്തോടെയാണ് പൊതുതാല്‍പര്യ ഹര്‍ജി ഫയല്‍ ചെയ്തത്, പബ്ജി ഗെയിം അക്രമത്തെയും സമാധാന അന്തരീക്ഷവും തകര്‍ക്കുമെന്നും സൈബര്‍ കുറ്റകൃത്യങ്ങളെ പ്രോത്സാഹിപ്പിക്കുകയും ചെയ്യുമെന്നും പരാതിയില്‍ പറയുന്നു.
മഹാരാഷ്ട്ര സര്‍ക്കാര്‍ ഇത് നിരോധിക്കണമെന്ന് കോടതി നിര്‍ദ്ദേശിച്ചു.

ഓണ്‍ലൈന്‍ അധിഷ്ഠിതമായ ഇത്തരം പ്രോഗ്രാമുകളെ നിരീക്ഷിക്കാന്‍ ഒരു ഓണ്‍ലൈന്‍ എത്തിക്‌സ് റിവ്യൂ കമ്മിറ്റി രൂപീകരിക്കുന്നതിന് കേന്ദ്ര സര്‍ക്കാര്‍ നിര്‍ദേശം നല്‍കണമെന്ന് ഹര്‍ജിക്കാരന്‍ അഭ്യര്‍ഥിക്കുന്നു.
ചീഫ് ജസ്റ്റിസ് എന്‍ എച്ച് പാട്ടീലിന്റെ നേതൃത്വത്തിലുള്ള ഡിവിഷന്‍ ബഞ്ചിന് മുന്‍പാകെ ഹാജരാകാനാണ് സാധ്യത.

പബ്ജി പോലുള്ള കളികള്‍ രണ്ടോ അതിലധികമോ ആളുകള്‍ പങ്കെടുക്കുന്ന ഓണ്‍ലൈന്‍ ഗെയിമാണ്.
പ്രധാനമന്ത്രി നരേന്ദ്ര മോദി വിദ്യാര്‍ഥികളുമായും രക്ഷിതാക്കളുമായും നടത്തിയ ചര്‍ച്ചയില്‍ ഗെയിം നിരോധിക്കണമെന്ന ആവശ്യം ഉയര്‍ന്നിരുന്നു.