റിയാദ്: കൊവിഡ് 19 വൈറസ് വ്യാപനം തടയുന്നതിന്റെ ഭാഗമായി രാജ്യത്തെ ടെല്ലർ മെഷീനുകൾ അണുവിമുക്തമാക്കുന്നു. എടിഎം മെഷീനുകൾ നിരവധിയാളുകൾ ഉപയോഗിക്കുന്നതാണെന്നതിനെ തുടർന്നാണ് അണുവിമുക്തമാക്കാൻ അധികൃതർ ഉത്തരവിട്ടത്. മാസാവസാനമായതിനാൽ തൊഴിലാളികൾക്ക് ശമ്പളം ലഭ്യമാകുന്ന സമയം കൂടിയായതിനാൽ എടിഎം ഉപയോഗിക്കുന്നവരുടെ എണ്ണം ക്രമാതീതമായി ഉയരുമെന്നതും മുഴുസമയം അണുവിമുക്തമാക്കി സൂക്ഷിക്കാനുള്ള ഉത്തരവിന് പിന്നിലുണ്ട്. എടിഎം അണുവിമുക്തമാക്കുന്നതിനായി തായിഫ് മുനിസിപ്പാലിറ്റിക്ക് കീഴിൽ മാത്രം എൺപതിലധികം  തൊഴിലാളികളെയാണ് നിയമിച്ചിരിക്കുന്നത്. റിയാദിലെ പണം പിൻവലിക്കുന്ന മുഴുവൻ കേന്ദ്രങ്ങളും അണുവിമുക്തമാക്കാൻ റിയാദ് അമീർ ഫൈസൽ ബിൻ ബന്ദർ ബിൻ അബ്ദുൽ അസീസ് ഉത്തരവിട്ടിട്ടുണ്ട്.